Aýa raıy
Astana 1 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Amangeldi Aıtaly: Nemeremdi oryssha sóıletpeı, qazaqsha tárbıelep eksperıment jasap júrmin

2019 jyldyń 21 qyrkúıek 2019 20:31

AQTÓBE. QazAqparat – Amangeldi Aıtalynyń 80 jasqa tolýyna oraı saltanatty shara ótti, dep habarlaıdy QazAqparat tilshisi.

Q. Jubanov atyndaǵy Aqtóbe óńirlik memlekettik ýnıversıtetiniń Jastar saraıynda qoǵam qaıratkeri, fılosofııa ǵylymynyń doktory, professor Amangeldi Aıtalynyń 80 jas mereıtoıyna arnalǵan saltanatty shara ótedi.

Oǵan elimizdiń belgili qoǵam qaıratkerleri, shyǵarmashylyq zııaly qaýym ókilderi Oljas Súleımenov, Muhtar Shahanov, Álıhan Báımenov, Hanbıbı Esenǵaraqyzy, Irak Elekeev, Kenjeǵalı Myrjyqbaı, Ǵarıfolla Anes, Asylbek Smaǵulov, Sabyr Qasymov qatysty. Al oblys ákimi Ońdasyn Orazalın Prezıdent Qasym –Jomart Toqaevtyń quttyqtaý hatyn jetkizdi.

«Kórnekti memleket jáne qoǵam qaıratkeri, bilikti ǵalym, belgili ustaz, ultjandy tulǵa retinde el damýyna qosqan úlesińiz óte kóp. Qazaq rýhanııaty týraly aıtqan salmaqty oılaryńyz ben parasatty paıymdaryńyz óskeleń urpaqqa jol kórseter qundy dúnıeler dep bilemiz. Uzaq jyldar boıy ustazdyq ettińiz, shákirt tárbıeleý isin abyroıly atqarǵan jansyz. Ǵylym jolyndaǵy eńbekterińiz de bir tóbe. Parlament Májilisi qabyrǵasynda atqarǵan eleýli qyzmetińizdi qalyń jurtshylyq jaqsy biledi. Zań shyǵarý isine belsene aralasyp, elimizdiń qoǵamdyq, saıası ómirine sińirgen eńbegińiz jas býyn úshin jaqsy ónege», - dep jazylǵan hatta.

Sonymen qatar, QR Parlament Májilisiniń tóraǵasy Nurlan Nyǵmatýllın, Bilim jáne ǵylym mınıstri Ashat Aımaǵambetovtiń quttyqtaýy oqyldy.

Aıta keteıik, aqyn Muhtar Shahanov óziniń óleńin arnasy, Álıhan Báımenov abyz sózine toqtaldy.

«Kózi ashyqtyń kókiregin oıatatyn, kókiregi oıaýdyń kózin ashatyn, ekijaqty tepe-teńdikti ustaıtyn uly oıshyl Amangeldi Ábdirahmanulynyń qoǵamdyq, saıası respýblıkalyq sahnaǵa shyǵyp, qazaq ultyna óziniń kemeńger sózderin aıtýy bizdiń ulttyń qajettiligi edi. Sol qajettilikti Ábekeń óteı bildi. Men ony jelmaıasy qylyp minip júrgen rýhanııattyń Asan qaıǵysy dep bilemin. Shyn máninde kóńilimiz jaılanyp, ózimizdi tolyqqandy abyroıly ult retinde sezinetin keńistiktiń emes, rýhanı izdenis, dúnıetanym ornyn izdep júr», - dedi memleket, qoǵam qaıratkeri Álıhan Báımenov.

Amangeldi Aıtaly óz alǵysyn bildirip, óziniń baqytty ekenin jetkizdi.

«Ómirdiń mennen alǵany da, bergeni de kóp. Men búgin, 80-ge kelgen kúnimde baqyttymyn. Biraq frantsýzdyń fılosofy Volter aıtady: «Ár ýaqytta da men búgin baqyttymyn deńiz, erteńgi kún taǵdyrdyń qolynda» dep. Búgin eldiń qurmetine bólenip otyrmyn, rızamyn. Eki ulym, bir qyzym bar. Aqsuńqar degen nemeremdi tárbıelep júrmin. Biz úshin qyzyq, biz úshin eksperement. Qazaqsha tárbıeleımin, oryssha sóıletpeımin», - dedi Amangeldi Aıtaly.

Amangeldi Aıtalyǵy Q.Jubanov atyndaǵy Aqtóbe óńirlik memlekettik ýnıversıtetiniń Qurmetti professory tósbelgisi taǵyldy.


Foto: kerek-info.kz


Avtor Altynaı Saǵyndyqova
Basty sózder: Aqtóbe oblysy, Qoǵam,
Joǵary qaraı