Aýa raıy
Astana 22 °S
Almaty 22 °S
valıýta baǵamy
USD 386.71
EUR 429.17
RUB 6.02
CNY 54.66

Anastasııa Galeevanyń ólimi: prokýror aıyptaý qorytyndysyn oqydy

2019 jyldyń 20 tamyz 2019 13:15

ALMATY. QazAqparat - Almaty oblysynda 22 jastaǵy sýretshi Anastasııa Galeevanyń ólimine qatysty sot otyrysy ótýde, dep habarlaıdy QazAqparat tilshisi sot zalynan.

Іsti Qarasaı aýdandyq sotynyń sýdıasy Mýhıdın Tohtahýnov qarap jatyr. Sot aldynda 25 jastaǵy Ashat Barjaqsın jáne 27 jastaǵy Evgenıı Stepanov jaýap berýde. Olarǵa adam óltirý jáne qylmysty jasyrý boıynsha aıyp taǵyldy. Kúdiktiler Almaty qalasynyń turǵyndary.

27 jastaǵy Evgenıı Stepanov – Almatyda dúnıege kelgen. Úılengen, bir uly bar. Orta arnaýly bilimi bar. Іle aýdanyna qarasty bir aýylda turady. 2011 jyly kólik urlaǵany úshin 1,5 jylǵa bas bostandyǵynan aıyrylǵan. Resmı túrde jumys istemeıdi, biraq jumysy bar.

Ekinshi kúdikti, 25 jastaǵy Ashat Barjaqsın. Ol da Almatyda dúnıege kelgen. Ajyrasqan, 7 jasar uly bar. Qarasaı aýdanyndaǵy aýylda turady. Buryn sottalmaǵan.

Sot otyrysy barysynda prokýror Marat Qasymov istiń mán-jaıyn aıtyp berdi.

«9 aqpanda keshki 19:00 shamasynda dostar Stepanov pen Barjaqsın «Volkswagen golf» kóligimen «Jańa Qýat» turǵyn úı keshenindegi Stepanovtyń úıine barady, 22:00 shamasynda úıde Stepanovtyń áıeli Romanova men Galıeeva syra ishýdi bastaıdy. 10 aqpanda saǵat 01:00 shamasynda joǵaryda atalǵan adamdar úıdiń jýynatyn bólmesine kirip, Stepanovtyń bastamasymen temeki shegý arqyly belgisiz zatty tutynýdy bastaǵan. Biraz ýaqyttan keıin Romanova men Barjaqsın basqa bólmege kirip, uıyqtap qaldy»- dedi prokýror.

Prokýrordyń aıtýynsha, Stepanov pen Galeeva belgisiz zatty qoldanýdy jalǵastyryp, keıinen ıntımdik qarym-qatynasta bolǵan.

«Sodan keıin, Stepanov uıyqtamaq bolady, biraq Galeeva belgisiz zatty qoldanýdy talap etti, Stepanov ol bitip qaldy dep bas tartty. Biraq Galeeva taýyp berýin talap etip, óıtpegen jaǵdaıda áıeli Romanovaǵa jaqyndyǵy týraly aıtyp beremin dep qorqytty. Sol kezde Stepanovqa Galeevany óltirýge baǵyttalǵan qylmystyq oı keledi », - dep jalǵastyrdy prokýror.

Ári qaraı Stepanov óziniń qylmystyq áreketin iske asyrmaq bolyp, Galeevany eki qolymen býyndyra bastaıdy. Galeeva oqıǵa ornynda kóz jumdy.

Keıin Stepanov máıitten qutylý úshin dosy Barjaqsınnen kómek surady. Olar máıitti Barjaqsınniń kóliginiń júk salǵyshna tıep, kanalǵa laqtyryp jibergen.

Eki aıyptalýshy da ózderine taǵylǵan aıyppen kelispeıdi.

Aıta ketý kerek, 22 jastaǵy qyz aqpannyń 9-nan 10-na qaraǵan túni Almaty oblysy Jańa Qýat kottedj qalashyǵyndaǵy qurbysynyń úıine shash úlgisin jasaýǵa baryp sodan úıine oralmaǵan. Anastasııa qurbysynyń úıinen tún ishinde saǵat 23:30-da shyqqan.

Oqys oqıǵadan soń qyzdy izdeý sharalaryna 50 erikti, kınologtar, polıtsııa qyzmetkerleri kiristi.

2 aıdan soń polıtsııa qyzdyń denesin Іle aýdanyndaǵy Mejdýrechınsk aýylyna jaqyn arada kanaldyń shlıýzderiniń birinen tapty.



Perevod Alma Muqanova
Basty sózder: Oqıǵa, Qylmyspen kúres, Almaty,
Joǵary qaraı