Aýa raıy
Astana -4 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Arys, biz birgemiz: QHA Arys turǵyndaryna azyq-túlik jınap, qonatyn oryn daıyndaýda

2019 jyldyń 24 maýsym 2019 23:30

NUR-SULTAN. QazAqparat - «Arys, biz birgemiz» aktsııasy aıasynda Túrkistan oblysy men Shymkent qalasyndaǵy Qazaqstan halqy Assambleıasynyń ókilderi jarylys bolǵan Arys qalasynyń turǵyndaryna azyq-túlik jınap, qonatyn oryn daıyndaýda, dep habarlaıdy QazAqparat tilshisi.

«Búgingi jaǵdaı bárimizdiń qabyrǵamyzdy qaıystyryp otyr. Túrkistan oblysy men Shymkent qalasyndaǵy Qazaqstan halqy Assambleıasynyń ókilderi birige otyryp, shtab quryp, arnaıy Arys qalasynan kóshirilgen azamattardyń barlyǵyna kómek kórsetý jumystaryn júrgizip jatyr. Arys qalasyna Koreı mádenı ortalyǵy túske deıin 1 gazel toltyrylǵan taǵamdar men sý jiberse, slavıan mádenı ortalyqtary 5 avtobýs pen 2 júk kóligin jiberdi. Shtab qurylǵannan keıin Túrkistan oblysy men Shymkent qalasyndaǵy Qazaqstan halqy Assambleıasynyń mádenı ortalyqtarynyń barlyǵy kómekke jumyla kiristi. Qazirgi ýaqytta QHA ókilderiniń jasaqtaýymen ashylǵan 15 orynda halyq qabyldanyp, jumystar júrgizilip jatyr. Mádenı ortalyqtar tıisti kómekterdiń bárin kórsetýde», - dedi QHA-nyń Shymkent qalasyndaǵy ókili Muratáli Qalmuratov «Arys, biz birgemiz» atty respýblıkalyq arnalardan ótken telemarafonda.

Eske sala ketsek, Arystaǵy jarylystan zardap shekkenderge kómek qolyn sozý maqsatynda elimizde «Arys, biz birgemiz» aktsııasy bastaldy. Aktsııa aıasynda Mádenıet jáne sport mınıstrligi, Eńbek jáne halyqty áleýmettik qorǵaý mınıstrliginiń qyzmetkerleri bir kúndik jalaqysyn aýdarmaq. Osy bastamaǵa depýtattar da qosylǵan.

Aktsııa aıasynda Túrkistan oblysy Arys qalasyndaǵy oqıǵadan zardap shekkenderge járdem berý úshin oblys ákimshiliginiń janynan ashylǵan «Túrkistan» korporatıvtik áleýmettik damý qoryna habarlasýyńyzǵa bolady.

«Túrkistan» korporatıvtik áleýmettik damý qory rekvızıtteri:

Túrkistan oblysy

Túrkistan qalasy, Kyzylorda tas joly , 34 A ǵımaraty,

Poshta ındeksi 161200

BSN (BIN) 100440016000

«ForteBank» AQ Túrkistan qalasyndaǵy fılıaly

JSK (IIK) KZ7196528F0007014540

BSK (BIK) IRTYKZKA

Joǵary qaraı