Aýa raıy
Astana 15 °S
Almaty 16 °S
valıýta baǵamy
USD 385.42
EUR 424.58
RUB 6.00
CNY 54.31

Arys qalasynda 1,5 myńǵa jýyq úı qalpyna keltirildi

2019 jyldyń 18 shilde 2019 12:10

ARYS. QazAqparat - Bir táýlik ishinde qurylysshylar Arys qalasynda taǵy 109 turǵyn úıdi tapsyrdy. Qurylys jáne TKSh isteri komıtetiniń málimeti boıynsha, qalpyna keltirilgen úılerdiń sany búgin 1469-ǵa jetti. Bul týraly QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap QazAqparat habarlaıdy.

Arystaǵy úılerdi qalpyna keltirýge 17 óńir men respýblıkalyq mańyzy bar 3 qaladan 207 qurylys kompanııasy jumyldyrylǵan. Bul - shamamen 6868 jumysshy jáne 265 arnaıy tehnıka.

Aıta keteıik, áskerı polıgonda bolǵan oqıǵadan keıin Arys qalasyndaǵy barlyq úılerdiń 85% búlingeni anyqtaldy. QR IIDM birinshi vıtse-mınıstri Qaıyrbek Óskenbaevtyń aıtýynsha, kún saıyn 100-den 250-ge deıin úı qalpyna keltirý jumystarymen qamtylady.

Elbasynyń jáne Memleket basshysynyń tapsyrmasy boıynsha barlyq búlingen jáne buzylǵan obektiler 1 tamyzǵa deıin tapsyrylýy tıis.

Joǵary qaraı