Aýa raıy
Astana 5 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Arys qalasyndaǵy vokzal sarapshylardyń baqylaýymen qalpyna keltirilip jatyr

2019 jyldyń 16 tamyz 2019 20:18

NUR-SULTAN. QazAqparat - Arys qalasyndaǵy vokzal sarapshylardyń baqylaýymen qalpyna keltirilýde. Bul týraly Túrkistan oblysy ákiminiń keńesshisi Sáken Qalqamanov Facebook-tegi paraqshasynda jazdy, dep habarlaıdy QazAqparat.

«Keshe quramynda restavratorlar, tarıhshylar, mádenıet mınıstrliginiń laýazym ıeleri bar komıssııa jumysyna qatystym. Onda 1904 jyly salynǵan Arys qalasyndaǵy vokzal nysany tekserildi. Onyń ıntereri qalpyna keltirý jumystary kezinde qatty ózgeriske ushyrady degen boljamdy tekserdik», - dep jazdy ol.

50 jyldyq tájirıbesi bar restavrator Qanat Tuıaqbaevtyń aıtýynsha, vokzaldaǵy jazbalar 2004 jyly paıda bolǵan.

«Onyń eshqandaı tarıhı qundylyǵy joq. Ǵımarattyń syrtynda da esh ózgeris joq. Jóndeý jumystaryn júrgizgen merdigerler, kerisinshe, patsha dáýirindegi tarıhı biregeı qurylysty ashty. Barlyq sharalar qalpyna keltirý jumystaryn atqaratyn lıtsenzııasy bar arnaıy uıymnyń baqylaýymen júrip jatyr. Mádenıet vıtse-mınıstri Nurǵısa Dáýeshev jergilikti mańyzy bar sáýlet eskertkishteriniń qalpyna keltirý jumystarynyń sapasy men joǵary qarqynyn atap ótti. Osylaısha birqatar BAQ-ta taraǵan aqparat negizsiz», - dep túıindedi ol.

Aıta keteıik, búgin «Samuryq-Qazyna» jyljymaıtyn múlik qory» AQ Basqarma tóraǵasynyń orynbasary Arman Jetpisbaı Arys vokzalyndaǵy jóndeý jumystarynyń 24 tamyzda aıaqtalatynyn málimdedi.

Basty sózder: Arys, Qurylys, Túrkistan oblysy,
Joǵary qaraı