Aýa raıy
Astana 24 °S
Almaty 27 °S
valıýta baǵamy
USD 386.80
EUR 429.27
RUB 5.78
CNY 54.89

Arys: Qorǵanys mınıstri arnaıy komıssııanyń jumysymen tanysty

2019 jyldyń 20 shilde 2019 15:13 251

ARYS. Qazaqparat – QR Qorǵanys mınıstri Nurlan Ermekbaev jedel shtabta jaýapty tulǵalardyń Arystaǵy jaǵdaı týraly baıandamasyn tyńdady. Bul týraly QazAqparat QR Qorǵanys mınıstrliginiń baspasóz qyzmetine silteme jasap habarlaıdy. 

«Arys qalasynda ótken keńeste qalaǵa irgeles aýmaqtardy tazalaý, áskerı bólimdi kóshirý, onyń ishinde qarý-jaraqty, oq-dárilerdi jáne múlikti shyǵarýdy uıymdastyrý, áskerı qalashyqtyń ınfraqurylymyn qalpyna keltirý máseleleri qaralyp, jumysty shıratý jóninde tapsyrmalar berildi. Áskerı qoımalar men oǵan irgeles aýmaqty tekserý barysynda áskerı vedomstvo basshysy tótenshe oqıǵanyń sebepterin anyqtap jatqan arnaıy komıssııa jumysynyń aldyn ala nátıjelerimen tanysty», - dlingen bapsasóz málimetinde.



Arnaıy komıssııa keńesinen keıin Nurlan Ermekbaev Shymkent garnızonynyń birqatar áskerı bólimderindegi oqý-materıaldyq bazanyń jaı-kúıin teksergen. Jaýyngerlik mashınalar parkinde áýe shabýylyna qarsy qorǵanys brıgadasynyń qarý-jaraǵynda turǵan áskerı tehnıkany saqtaý jaǵdaılarymen tanysqan.



Zymyrandyq-artıllerııalyq qarý-jaraq qoımasynda atys qarýy men olardyń oq-dárilerin saqtaý sharttary men tártibin tekserdi. Sonymen qatar, janar-jaǵar maı jáne avıatsııalyq zaqymdaý quraldary qoımalaryn aralap kórdi. Qorǵanys mınıstrine oq-dárilerdiń aǵymdaǵy jaǵdaıy, saqtalý tártibi men sharttary, qarý-jaraqtyń, áskerı jáne avıatsııalyq tehnıkanyń jasaqtalý jaı-kúıi jáne ınfraqurylym obektileri men tehnıkalyq aımaqty odan ári damytý jónindegi problemalar týraly baıandaldy.



Garnızondaǵy jumys qorytyndysy boıynsha áskerı bólimderdiń komandırlerine nysandardaǵy qaýipsizdik deńgeıin arttyrý, áskerı qyzmetshilerdiń órtke qarsy jáne dıversııaǵa qarsy qaýipsizdik talaptaryn múltiksiz saqtaýy jáne oryn alǵan kemshilikterdi joıý jóninde naqty nusqaýlar berildi.






Joǵary qaraı