Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Arys mańynda jarylys bolyp, 10 saper zardap shekti

2019 jyldyń 21 qyrkúıek 2019 18:07

ARYS. QazAqparat - Arys qalasynan 60 shaqyrym jerde, arnaıy jasaqtalǵan polıgon aýmaǵynda oq-dári bólshegi jaryldy. Bul týraly QazAqparat tilshisi QR Qorǵanys mınıstrligine silteme jasap habarlaıdy.

«21 qyrkúıek kúni arnaıy jasaqtalǵan polıgon (Arys qalasynan 60 shaqyrym jerde) aýmaǵyndaǵy josparly jarylys jasaý jumystary barysynda oq-dári fragmenti ózdiginen jaryldy. Sonyń saldarynan arnaıy daıyndyqtan ótken 10 saper - kelisimshart áskerı qyzmetshisi jarqynshaq tıip jaraqat aldy», - delingen mınıstrlik aqparatynda.

Vedomstvo málimetinshe, barlyq áskerı qyzmetshiler QR Qorǵanys mınıstrliginiń dalalyq gospıtaline jatqyzylǵan. Qajetti medıtsınalyq kómek tolyq kólemde kórsetilip jatyr. Bolǵan oqıǵanyń sebebi men mán-jaıyn anyqtaý sharalary júrgizilýde.


Joǵary qaraı