Aýa raıy
Astana 20 °S
Almaty 20 °S
valıýta baǵamy
USD 385.42
EUR 424.58
RUB 6.00
CNY 54.31

Arysta 14 jastaǵy qyz úıinen belgisiz baǵytqa shyǵyp ketip, qaıtyp oralmaǵan

2019 jyldyń 21 tamyz 2019 11:10

ARYS. QazAqparat – Arysta 14 jastaǵy qyz úıinen belgisiz baǵytqa shyǵyp ketip, qaıta oralmaǵan. Qyzdy ózdiginen taba almaǵan ata-analary polıtsııaǵa aryzdanǵan, dep habarlaıdy QazAqparat tilshisi.

Túrkistan oblystyq PD baspasóz qyzmetiniń málimetinshe, aryz túsken sátten bastap tártip saqshylary izdestirý sharalaryn bastaǵan. Birneshe mobıldik toptar qurylyp, aýyl aımaqtardan izdestirgen. Kýágerlerdiń aıtýy boıynsha, joǵalǵan qyz jaqyn mańdaǵy aýdanǵa qaraı ketip bara jatqan taksıge mingen. Osydan keıin polıtseıler jaqyn jerdegi Temirlan aýylyn túgel qarap shyqqan. Іzdeý jumystarynyń nátıjesinde kámelet jasyna tolmaǵan qyz anasynyń tanysynyń úıinen tabylady. Onyń tabylǵany týraly birden ata-anasyna habar berilip, qyz aman-esen úıine jetkizilgen.

Búgingi tańda tártip saqshylary jasóspirimniń joǵalyp ketkeni boıynsha tolyq mán-jaıdy bilý úshin tekserý amaldaryn júrgizýde. Óz kezeginde perzentiniń aman-esen tabylǵanyna qýanǵan ata-anasy polıtsııa qyzmetkerlerine jáne rızashylyǵyn bildirdi.

Avtor Aınur Aqbaeva
Basty sózder: Túrkistan oblysy, Oqıǵa, Arys,
Joǵary qaraı