Aýa raıy
Astana 17 °S
Almaty 16 °S
valıýta baǵamy
USD 386.34
EUR 427.25
RUB 5.88
CNY 54.57

Arysta qutqarylǵan azamattyń týystary áskerılerge alǵysyn bildirdi

2019 jyldyń 26 maýsym 2019 06:40 759

NUR-SULTAN. QazAqparat - QR Ulttyq ulanynyń «Ońtústik» óńirlik qolbasshylyǵynyń baspasóz qyzmetine qazaqstandyq sarbazdar qutqarǵan Murat Shúkirbekovtyń týystary habarlasyp, alǵysyn bildirdi, dep habarlaıdy QazAqparat.

«Ońtústik» óńirlik qolbasshylyǵynyń baspasóz qyzmeti taratqan málimetterge qaraǵanda, densaýlyǵy nashar Murat Shúkirbekov (ózdiginen júre almaıdy) úıiniń jarylys bolǵan aımaqtyń ortasynda ornalasqanyna qarmastan qaýipti jaǵdaı týyndaǵanda eshqaıda shyǵyp kete almaǵan.

Osy oqıǵadan habardar bolǵan soń jáne jaǵdaıda naqty baǵalaǵan QR Ulttyq ulanynyń «Ońtústik» qolbasshylyǵy basshysynyń orynbasary Nııaztaı Álkeshev shuǵyl túrde 6506  áskerı bóliminiń ofıtserleri maıor Arman Ótenov pen aǵa leıtenant Nurlybaı  Dosybaıdy  múmkindigi shekteýli azamat qalǵan mekenjaıǵa jiberedi. Qajetti jerge kelgen áskerıler Murat Shúkirbekovty taýyp alǵan. Ol kezde jalǵyz qalǵan azamattyń ishetin sýy joq jáne azyq-túliksiz qalǵan. Onyń ústine uıaly telefony da óship qalypty.  

Ulttyq ulan sarbazdary maıor  A.Ótenov pen aǵa leıtenant N.Dosybaı Murat Shúkirbekovti sýmen jáne azyq-tulikpen qamtamasyz etip, uıaly telefonyn qýattandyryp, onyń týystarymen baılanysqa shyqty.  

Aıta keterligi, Murat Shúkirbekov óziniń úıin tastap shyǵýdan túbegeıli bas tartty. Ol tipti óziniń týystarynyń aıtqanyna da kónbedi. Áskerı qyzmetshiler osyǵan baılanysty jaqyn aradaǵy áskerı bólimniń kezekshiligindegi sarbazdardy shaqyrtyp, Murat Shúkirbekovtyń týystary kelgenshe oǵan bas-kóz bolýdy tapsyrdy.

Murat Shúkirbekovtyń týystary Ulttyq ulan sarbazdaryna olardyń jedel áreketi men adamdardyń máselesine qulaq asyp, kómekteskenderi úshin alǵys aıtty.   

 

 

 

 

Perevod Aıdar Ospanalıev
Basty sózder: Oqıǵa, Arys, Ásker,
Joǵary qaraı