Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Arysta jarylystardyń qaıtalaný qaýpi saqtalýda– QR ІІM

2019 jyldyń 25 maýsym 2019 13:16

NUR-SULTAN. QazAqparat - Arystaǵy áskerı bólimshe aýmaǵyndaǵy oq-dári qoımasynda jarylystar tyıyldy. Bul týraly búgin Ortalyq kommýnıkatsııalar qyzmetindegi brıfıngte QR Іshki ister mınıstriniń orynbasary ıÝrıı Ilın aıtty, dep habarlaıdy QazAqparat tilshisi.

«Qazirgi ýaqytta Qorǵanys mınıstrligi ushqyshsyz basqarylatyn ushý apparatynyń kómegimen aerovızaldy ushýlary júrgizdi. Oq-dári saqtalatyn qoımalardyń aýmaǵynda byqsyǵan ottyń 9 oshaǵy tabyldy. ıAǵnı, ázirshe qaıtadan jarylystardyń oryn alý qaýpi saqtalýda. Degenmen, bastapqy ýaqytta oryn alǵan jarylystardaı jarylys bolmaıdy dep oılaımyn», - dedi ol.

Sonymen qatar, ıÝrıı Ilın elimizdiń Qorǵanys mınıstrligi Arys qalasynyń aýmaǵyn jarylmaı qalǵan oq-dárilerden tazartý úshin arnaıy saperler tobyn qurǵanyn aıtty.



«Atalǵan arnaıy toptyń 100-den astam adamnan jasaqtalǵan bir toby temir jol stansasynda, temir jol boıynda jumys istep jatyr. Al qalǵandary eldi mekenderdiń jáne áskerı bólimsheniń aýmaǵynda jumys isteýde. Al qoımalardaǵy órt saldaryn joıý jáne otty sóndirý jumystaryna, menińshe, búgingi kúnniń ishinde órt sóndirý quraldarymen jabdyqtalǵan arnaıy saýytty tehnıkalar kirisetin bolady», - dedi vıtse-mınıstr.

Avtor Marlan Jıembaı
Basty sózder: QR ІІM, Arys,
Joǵary qaraı