Aýa raıy
Astana 26 °S
Almaty 32 °S
valıýta baǵamy
USD 384.87
EUR 432.52
RUB 6.11
CNY 55.95

Arystaǵy apat: Almaty vokzalynda poıyzdar kestelerinen keshigýde

2019 jyldyń 25 maýsym 2019 13:12 472

ALMATY. QazAqparat - Arystaǵy tótenshe jaǵdaıǵa baılanysty Almaty-Manǵyshlaq, Almaty-Aqtóbe baǵytyndaǵy jolaýshylar poıyzdarynyń kestesi buzyldy, dep habarlaıdy QazAqparat tilshisi.

Bul poıyzdar búgin 13.00 men 15.00 aralyǵynda jolǵa shyǵatyn boldy.

Osyǵan baılanysty Almaty temir joly vokzalynda bógelgen jolaýshylardy ornalastyrý, aýyzsýmen, tamaqpen qamtý úshin arnaıy shtab quryldy.

Oqıǵa ornynda jedel járdem karetasy kezekshilik etip jatyr. Jolaýshylardyń talaby boıynsha jol bıletteriniń quny qaıtarylýda.  

Munyń aldynda Arys qalasyndaǵy jarylystyń kesirinen elimizde 20 jolaýshylar poıyzy toqtap turǵanyn habarlaǵan bolatynbyz.

Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. https://www.inform.kz/qz/arys-askeri-bolimnin-koymasynda-kuatty-zharylys-boldy_a3541185

Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Apat saldarynan eki adam mert boldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.

Búgingi Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletindigine ýáde berdi.  

Jalpy keshegi alasapyran kezde myńdaǵan ata-ana balarynan kóz jazyp qalǵan bolatyn. Qazirgi ýaqytta olardyń barlyǵy da balalarymen qaýyshty, barlyǵy din-aman.

Almatyda «Jas Otan» jastar qanatynyń bastamasymen «Arys, biz birgemiz» aktsııasy bastaldy. Taratylǵan habarlamada gıgıenalyq zattar, konserviler, jarma, sý, balalar kıimi, oramal, jamylǵylar, kórpeler qajet delingen. Jınaq pýnkti Abylaı han kóshesi, 79 mekenjaıy boıynsha ashyldy. Pýnkt  táýlik boıy ashyq bolady.  

Sonymen qatar, «Men - almatylyqpyn» qozǵalysynyń belsendileri de gýmanıtarlyq kómek qabyldaıtyn beket qurdy. Ol «Altyn Arystan» ý-shý mektebinde, Jandosov kóshesi, 55/3, (7 701 985 06 08) mekenjaıynda ornalasqan.

Aıta keteıik Qazaqstanda «Aryspen birgemiz» aktsııasy bastaý aldy. 

 

 

Joǵary qaraı