Aýa raıy
Astana 10 °S
Almaty 15 °S
valıýta baǵamy
USD 389.62
EUR 429.98
RUB 6.06
CNY 55.08

Arystaǵy apat: Kásipkerler 25 tonna dári-dármekti tegin taratty

2019 jyldyń 25 maýsym 2019 18:38

ARYS. QazAqparat - Túrkistan oblysynyń dári-dármek tasymaldaýshylary Arystaǵy jurtqa 25 tonna dári-dármek tegin bólgen, dep habarlaıdy QazAqparat tilshisi.

Túrkistan oblystyq qoǵamdyq densaýlyq saqtaý departamentiniń basshysy Nurbek Nyshanov óńirde dári-dármek saýdasymen aınalysatyn 7 iri fırmanyń 25 tonna dári-dármekti tegin bergenin aıtady.

«Arys turǵyndaryna medıtsınalyq kómek der kezinde kórsetilýi úshin kóterme saýda, formatsııalyq nysandar alǵashqy meıtsınalyq kómekke dári-dármekter ákelip otyr. «Europharma», «Zerde», «№5 emhana», «Eko-Farm», «Asylpharm», «Medservsıs Plıýs» jáne «Mýrat-Farm» kásiporyndary alǵashqy medıtsınalyq kómek úshin qajet dári-dármekterdi tegin berdi. Qabyldanǵanǵan dári-dármektiń jalpy quny 25 mln teńege jýyq», - deıdi Nurbek Nyshanov.

Oblystyq densaýlyq saqtaý basqarmasynyń basshysy Muqan Egizbaevtyń aıtýynsha, qazir arys aýrýhanalary dári-dármekpen 100 paıyz qamtylǵan.

«Alǵashqy medıtsınalyq kómekke qajet dáriler medıtsınalyq qobdısha retinde barlyq evakýatsııa ortalyqtaryna erteń jetkiziletin bolady. Turǵyndarǵa kóbinese qobaljýdy basatyn, qan qysymyn retteıtin dármekter úlestirildi. Dári jetispeýshilik degen másele joq. Qazirgi tańda 70 adam aýrýhanalarda jatyr. Onyń 30-ǵa jýyǵy oblystyq klınıkalyq aýrýhanada, qalǵandary oblystyq balalar aýrýhanasy men Saryaǵash qalasynda jáne birneshe aýdanda jatyr. Tórt naýqastyń jaǵdaıy aýyr. Keshe túnde respýblıkalyq sanıtarlyq avıatsııamen dárigerler kelgen. Búgin-erteń oblystyń adamdaryna kómek kórsetetin bolady. Medıtsına jaǵynan problema joq. Jedel járdem kólikteri artyǵymen qamtylǵan», - deıdi ol.

Aıta ketsek, Arystaǵy apattyń aýyrtpalyǵyn Qazaqstan halqy jumyla kóterýde. Al Shymkenttegi evakýatsııalyq pýnkterdiń sany Arystan kelip jatqan turǵyndardyń artýyna baılanysty 31-ge deıin kóbeıtildi.

Joǵary qaraı