Aýa raıy
Astana 30 °S
Almaty 36 °S
valıýta baǵamy
USD 383.01
EUR 430.12
RUB 6.10
CNY 55.70

Arystaǵy apat: Qazaqstandyqtar aqsha aýdaryp, azyq-túlik jóneltip jatyr

2019 jyldyń 25 maýsym 2019 19:37 452

NUR-SULTAN. QazAqparat - Qazaqstandyqtar Arystaǵy halyqqa aqshalaı da, zattaı da kómek joldap jatyr, dep habarlaıdy QazAqparat tilshisi.

«Arystaǵy jurttyń jaǵdaıyna beıjaı qaramaıtyn qazaqstandyqtardan túrli usynystar túsip jatyr. Kásipkerler men qarapaıym turǵyndar tótenshe jaǵdaıdan zardap shekken otandastaryna kómek berýge daıyn. Keıbireýleri aqsha aýdarsa, keıbiri azyq-túlik pen ózge de kerek-jaraqtar ákelip jatyr», - dep jazdy Túrkistan oblysy ákiminiń baspasóz hatshysy Sáken Qalqamanov óziniń Facebook paraqshasynda. 

Arys qalasynyń turǵyndaryna qarjylaı kómek qolyn sozamyn deıtin azamattar úshin «Túrkistan» korporatıvtik áleýmettik damý qorynda arnaıy esep-shot ashyldy.

«Túrkistan» korporatıvtik áleýmettik damý qory rekvızıtteri:

Túrkistan oblysy

Túrkistan qalasy, Kyzylorda tas joly , 34 A ǵımaraty,

Poshta ındeksi 161200

BSN (BIN) 100440016000

«ForteBank» AQ Túrkistan qalasyndaǵy fılıaly

JSK (IIK) KZ7196528F0007014540

BSK (BIK) IRTYKZKA.

Buǵan qosa, búkil elden jınalǵan gýmanıtarlyq kómek Shymkent qalasynan taratý úshin bir ortalyqqa jınalyp  jatyr. Bekettiń mekenjaıy: Shymkent q, Abaı aýdany, Yntymaq sh.a., 592/3 qurylys, №7 blok.  Baılanys úshin 8 705 888 -78-28) nómirine habarlasý qajet.

«Zardap shekkenderge uzaq saqtalatyn azyq-túlik pen aýyzsý, kıim-keshek kerek. Bárinen de búlingen úılerdi qalpyna keltirý úshin qurylys materıaldary qajet. Naqty aıtqanda,  tereze áınekteri, shatyr men aǵash materıaldary kerek», - deıdi Sáken Qalqamanov.

Onyń aıtýynsha, jyly kıim men azyq-túlik tıelgen alǵashqy lek mańaıdaǵy qalalar men aýyldardan búgin jetýi tıis. Al memlekettik organdar men uıymdardyń ujymdary birkúndik eńbekaqylaryn aýdarýda.

 

 

Joǵary qaraı