Aýa raıy
Astana 29 °S
Almaty 37 °S
valıýta baǵamy
USD 383.98
EUR 430.63
RUB 6.11
CNY 55.83

Arystaǵy apat: Zardap shekken óńirden alǵashqy 300 bala Aqmolaǵa jetkiziledi

2019 jyldyń 25 maýsym 2019 19:10 342

KÓKShETAÝ. QazAqparat - Aqmola oblysynyń bıznes-qaýymdastyǵy,​ memlekettik emes uıymdar,​ jergilikti kásiporyndar men memlekettik organdar jáne Qazaqstan halqy Aqmola assambleıasynyń ókilderi Arys turǵyndaryna kómek qolyn sozýda belsendilik tanytýda, dep habarlaıdy QazAqparat tilshisi.

Aqmola oblystyq ishki saıasat basqarmasynyń málimetinshe, óńirdiń memlekettik qyzmetshileri, jergilikti atqarýshy organdardyń vedomstvoaralyq uıymdarynyń qyzmetkerleri tótenshe jaǵdaıǵa dýshar bolǵan Arys qalasynyń turǵyndaryna kómek retinde 1 kúndik eńbekaqysyn aýdarýda.

Budan bólek, QR Prezıdenti Qasym-Jomart Toqaevtyń tapsyrmasyna sáıkes demalatyn balalardyń sanyn arttyrý týraly sheshim qabyldandy.

«Oblys aýmaǵyndaǵy 20-dan astam balalardy saýyqtyrý ortalyqtary,  lagerler,  demalys úıleri jazǵy maýsym kezinde tótenshe jaǵdaı oryn alǵan aýmaqtan 500-den astam balany qabyldaıdy.

Jaqyn kúnderi alǵashqy 300 bala «Baldáýren», «Samuryq», «Zvezdnyı» saýyqtyrý ortalyqtary men  «Avrora Garden» demalys úıine jetkiziledi», deıdi vedomstvonyń baspasóz qyzmetindegiler.

Sonymen qatar,  jastar birlestikteriniń bastamasymen tótenshe jaǵdaıdyń saldaryn joıý jáne odan zardap shekkenderge kómek kórsetý maqsatynda  eriktiler toby, qurylys jasaqtary, psıhologtar toby jasaqtaldy.

SVondaı-aq, qaıyrymdylyq kerýeni jáne materıaldyq kómek retinde qurylys materıaldary,  azyq- túlik jáne kıim-keshek jetkizilmekshi.

 

 

Avtor Aslan Ospanov
Basty sózder: Jaqsylyq jasa, Arys, Aqmola oblysy,
Joǵary qaraı