Aýa raıy
Astana 6 °S
Almaty 1 °S
valıýta baǵamy
USD 389.98
EUR 434.01
RUB 6.10
CNY 55.04

Arystaǵy áskerı bólim aýmaǵynda jarylystar tyıyldy

2019 jyldyń 25 maýsym 2019 13:04

NUR-SULTAN. QazAqparat - Arystaǵy áskerı bólim aýmaǵyndaǵy oq-dári qoımasynda jarylystar tyıyldy. Bul týraly búgin Ortalyq kommýnıkatsııalar qyzmetindegi brıfıngte QR Іshki ister mınıstriniń orynbasary ıÝrıı Ilın aıtty, dep habarlaıdy QazAqparat tilshisi.

«25 maýsym, saǵat 12.00-degi jaǵdaıǵa sáıkes, áskerı bólimshe aýmaǵynda qazirgi ýaqytta jarylystar tirkelgen joq. QR Іshki ister mınıstrliginiń 1 200-den astam qyzmetkeri men 180-den astam tehnıkasynan jasaqtalǵan kúshteri men jabdyqtary oqıǵa ornynda qalyp otyr», - dedi ol.

Onyń aıtýynsha, keshe jáne túni boıy júrgizilgen jumystar jeke turǵyn úılerdegi órtti sóndirýge baǵyttalǵan.

«Jalpy 45 órt sóndirildi. Onyń 21-i turǵyn úı órti, 9 qora-qopsy órti. Sonymen qatar oq-dári ushýynan tutanǵan 19 dala órti sóndirildi. Túrkistan oblystyq polıtsııa departamenti men Ulttyq ulannyń áskerı bólimderi Arys qalasynda talan-tarajǵa jol bermeý úshin sholǵyndaý jumystaryn júrgizdi. Ótken táýliktiń ishinde 3 adam ustalyp, tonaý faktisi tirkeldi», - dedi ıÝrıı Ilın.

Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Apat saldarynan eki adam mert boldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.

Búgingi Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletindigine ýáde berdi.

Jalpy keshegi alasapyran kezde myńdaǵan ata-ana balarynan kóz jazyp qalǵan bolatyn. Qazirgi ýaqytta olardyń barlyǵy da balalarymen qaýyshty, barlyǵy din-aman.

Joǵary qaraı