Aýa raıy
Astana -9 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Arystaǵy áskerı bólim men qoımalarda negizgi jumystar bastaldy – Nurlan Ermekbaev

2019 jyldyń 23 qyrkúıek 2019 14:57

NUR-SULTAN.QazAqparat – Arystaǵy oqıǵa saldaryn joıý boıynsha eń kúrdeli ári qaýipti jumystar bastaldy. Bul týraly Úkimet otyrysynan keıin QR Qorǵanys mınıstri Nurlan Ermekbaev málim etti, dep habarlaıdy QazAqparat tilishisi.

«Qazirgi ýaqytta Arystaǵy oqıǵa saldaryn joıý boıynsha jumystardy júrgizýdiń eń qıyn, jaýapty ári táýekeldi kezeńi bastalǵanyn túsiný kerek. Áskerı qyzmetshiler áskerı bólim aınalasyn tolyqtaı tazartty. ıAǵnı qalaǵa, onyń turǵyndary men sol mańaıdaǵy eldi mekenderge qaýip tónip turǵan joq», - dedi N. Ermekbaev tilshiler saýalyna jaýap bere otyryp.

Sonymen qatar ol TJ saldaryn joıý boıynsha jumystar jalǵasatynyn jetkizdi.

«Barlyq jerdi tazarttyq jáne tıisti sharalardy jalǵastyrýdamyz. Qazirgi kezde áskerı bólim men qoımalar ishinde negizgi jumystar bastaldy. Bul jerlerde fragmentter, oq-dári synyqtarymen ózge de jarylmaǵan zattar shoǵyrlanǵan. Osy oraıda saperlerdiń jumysy qaýipti bolyp tur», - dedi vedomstvo basshysy.

Budan buryn habarlanǵandaı, 21 qyrkúıek kúni arnaıy jasaqtalǵan polıgon (Arys qalasynan 60 shaqyrym jerde) aýmaǵyndaǵy josparly jarylys jasaý jumystary barysynda oq-dári fragmenti ózdiginen jaryldy. Sonyń saldarynan arnaıy daıyndyqtan ótken 10 saper - kelisimshart áskerı qyzmetshisi jarqynshaq tıip jaraqat aldy.


Joǵary qaraı