Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Arystaǵy qurylys jumystary aıaqtalýǵa jaqyn

2019 jyldyń 16 qyrkúıek 2019 21:32

ARYS. QazAqparat - Túrkistan oblysynyń ákimi Ómirzaq Shókeev Arys qalasyn qalpyna keltirý jumystaryn júrgizýge qatysty apparat jıynyn ótkizdi, dep habarlaıdy QazAqparat óńir basshysynyń baspasóz qyzmetine silteme jasap.

Jıynǵa Qazaqstannyń barlyq oblystarynan kelgen Arys qalasynda júrgizip jatqan qurylys jumystaryna jaýaptylar, Túrkistan oblystyq basqarma basshylary men aýdandyq ákimdik mamandary qatysty.




Basqosýda Arys qalasyndaǵy turǵyn úıler men áleýmettik nysandar jáne joldarda júrgizilip jatqan qurylys jumystaryna qatysty sońǵy málimetter boıynsha baıandama jasaldy. Jıynda sóz alǵan qurylysshylar kedergi keltirip jatqan birqatar kemshilikterdiń basyn ashty.

«Jalpy 7 500-den astam úıdiń arasynda sanaýly úı ıeleri saraptaý qorytyndysymen kelispeı otyr. Olar kúrdeli jóndeýdiń ornyna úılerin túgel kúrep tastap, qaıta salýdy talap etýde. Barlyǵyna eskertý jasaldy», - dedi oblystyq Qurylys basqarmasy basshysynyń orynbasary Erbol Ahmetov.

Bul máseleler jaqyn kúnderi sheshimin tappaq. Jalpy Arys qalasyndaǵy qurylys jáne qalpyna keltirý jumystary aıaqtalýǵa jaqyn. Qazirgi kezde tolyqtaı kúrelip, jańadan salynyp jatqan úılerdiń qurylysy táýlik boıy júrip jatyr.

Túrkistan oblysynyń ákimi Ómirzaq Shókeev barlyq sektor jaýaptylaryna qurylys jumystaryn aıaqtaý merzimin belgilengen keste boıynsha, tolyq aıaqtap ótkizýdi buıyrdy. Arys qalasynda jóndeýdi qajet etetin 7 163 nysannyń 7 154-inde turǵyn jáne kópqabatty úılerde qurylys jumystary aıaqtalyp, ishki árleý jalǵasýda. Qalpyna keltirý jumystaryna 126 qurylys kompanııasy, 4 myńǵa jýyq jumysshy, 200-den astam arnaıy tehnıka tartylǵan.














Basty sózder: Túrkistan oblysy, Qurylys, Ákimdik, Arys,
Joǵary qaraı