Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

Arystaǵy jarylys: Taǵy bir adamnyń mert bolǵany habarlandy

2019 jyldyń 25 maýsym 2019 09:07 1414

NUR-SULTAN. QazAqparat - Arystaǵy jarylys saldarynan taǵy bir adam qaza boldy. Bul týraly elordada ótip jatqan Úkimet otyrysynda málim boldy, dep habarlaıdy QazAqparat tilshisi.

«Memleket basshysy Qasym-Jomart Kemeluly Toqaev oqıǵa ornynda bolyp, tótenshe jaǵdaı boıynsha naqty tapsyrmalar berdi. Barlyq tıisti sharalar uıymdastyrylýda. Arys qalasynyń turǵyndary qaýipsiz jerge kóshirildi. Ókinishke qaraı, eki adam - azamattyq tulǵa jáne áskerı qyzmetker qaza tapty. Osy oraıda, olardyń týǵan-týystaryna kóńil aıtamyz. Zardap shekkenderge medıtsınalyq kómek kórsetilýde», - dedi Asqar Mamın Úkimet otyrysynda.

Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan bir adam mert boldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.

 

 

 

 

Joǵary qaraı