Aýa raıy
Astana 19 °S
Almaty 24 °S
valıýta baǵamy
USD 384.39
EUR 431.71
RUB 6.11
CNY 55.88

Arystan 50 bala Oral qalasynda demalatyn bolady

2019 jyldyń 25 maýsym 2019 19:23 1129

ORAL. QazAqparat - Arystan 50 bala Oral qalasyndaǵy «Daryn» qosymsha bilim ortalyǵynda demalatyn bolady, dep habarlaıdy QazAqparat tilshisi.

Ortalyq dırektory Gúlsim Dúısenǵalıevanyń málim etkenindeı, arystyq jetkinshekter 10-19 shilde aralyǵynda tynyqpaqshy.

«Arystaǵy oqıǵa bárimizdiń qabyrǵamyzǵa aıazdaı batty. Sondyqtan budan biz de qalys qalmaı, sergip qaıtsyn dep balalardy demalýǵa shaqyrdyq», dedi G.Dúısenǵalıeva.


null 

null 

Onyń sózine qaraǵanda, bıyl «Darynda» barlyǵy 420 bala demalmaq. Qazirdiń ózinde alǵashqy eki aýysymda 210 jasóspirim tynyqty. Bulardyń bastapqysynda fızıka-matematıka baǵytynda olımpıada, baıqaýlarda oza shaýyp júrgender bolsa, ekinshi lektegiler - IT salasynda talaptanyp, tabysqa jetken oqýshylar.

Kúni búgin oblysta alǵash ret «Jaıyq Press» JShS-nyń qoldaýymen «Órimtal» jas tilshiler legi (100 bala) demalýda. Olardyń arasynda Abaı, Ábish, Qadyr, Muqaǵalı oqýlarynda jeńimpaz-júldeger atanǵandar barshylyq.

«Daryndaǵy» ár kúnde túrli sharalar josparlanǵan. Munda balalar demalyp qana qoımaıdy,  óz sheberlikterin jetildiredi, ózderi syndy qurby-qurdastarymen tájirıbe almasady, óńirge tanymal adamdarmen kezdesedi.


null 

null 

null 

«Tórtinshi aýysym aty - úsh tuǵyrly til. Munyń ereksheligi - Arystaǵy jasóspirimdermen birge kórshiles Samara oblysyndaǵy qazaq dıasporasy otbasylarynan  20 bala kelip, óz kúnderin qyzyqty ótkizetin bolady», dedi ortalyq dırektory.

Eske sala keteıik, budan buryn Arystaǵy oqıǵaǵa baılanysty Oralda 3 kómek kórsetý ortalyǵy ashylǵanyn jazǵan bolatynbyz.

Búgin Arys qalasy turǵyndaryna kómek kórsetý úshin batysqazaqstandyq mekeme-uıymdar qatarynda Oral qalasy ákimdigi, sondaı-aq «Batys sý arnasy» JShS-nyń 900 qyzmetkeri bir kúndik jalaqylaryn aýdarý jóninde sheshim qabyldady.



null 

 

 

Joǵary qaraı