Aýa raıy
Astana 11 °S
Almaty 11 °S
valıýta baǵamy
USD 385.42
EUR 424.58
RUB 6.00
CNY 54.31

Arystyń bes sektorynda qalpyna keltirý jumystary aıaqtaldy

2019 jyldyń 20 tamyz 2019 16:25

NUR-SULTAN. QazAqparat – 20 tamyzdaǵy jaǵdaı boıynsha, Arys qalasynda 7056 jeke jáne kóp páterli úıler qalpyna keltirildi. Bul týraly QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap habarlaıdy.

Jambyl, Qaraǵandy, Qyzylorda, Túrkistan oblystary men SQO sektorlarynda qurylys jumystary tolyǵymen aıaqtaldy. Pavlodar, Mańǵystaý, Aqtóbe jáne Aqmola oblystarynyń sektorlary 99%-ǵa qalpyna keltirildi. Arystyń turǵyn úı qorynda 5 myńnan astam jumysshy jumysyn jalǵastyrýda.

Búgingi kúni 698 turǵyn úıde árleý jumystary júrgizilýde, taǵy 41 úıdi qurylysshylar nólden bastap turǵyzdy. Menshik ıeleriniń kelispeýine baılanysty 34 úıde jóndeý jumystary júrgizilmeı tur.

2 myńǵa jýyq qurylysshy áleýmettik nysandarda jumys isteıdi, olar bilim berý mekemeleriniń 50 ǵımaratyn, 4 densaýlyq saqtaý nysanyn jáne eki sport mektebin paıdalanýǵa tapsyrdy. Sondaı-aq qalada 316 jóndelgen kommertsııalyq nysan jumys isteýde.

Joǵary qaraı