Aýa raıy
Astana 26 °S
Almaty 25 °S
valıýta baǵamy
USD 385.42
EUR 424.58
RUB 6.00
CNY 54.31

Ashat Aımaǵambetov: Jańa oqý jylyna qatysty BAQ-ta qate aqparat kóp

2019 jyldyń 13 tamyz 2019 13:15

NUR-SULTAN. QazAqparat – Bilim jáne ǵylym mınıstri Ashat Aımaǵambetov barlyq BAQ ókilderin dástúrli Tamyz keńesine shaqyrdy, dep habarlaıdy QazAqparat tilshisi.

«2019-2020 oqý jyldarynyń jańalyqtaryna keler bolsaq, buqaralyq aqparat quraldarynda óte qate jáne shyndyqqa sáıkes kelmeıtin aqparat kóp. Sondyqtan, 16 tamyz kúni dástúrli Tamyz keńesi ótedi. Sol keńeske barlyq BAQ ókilderin shaqyramyz. Keńeste bar óńirden pedagogtardy shaqyryp, talqylaımyz. Ádistemelik nusqaýlyq búkil óńirlerge jiberiledi. Tıisti brıfıngti ótkizemiz. Sonda barlyq jańalyqtardy jiktep, beretin bolamyz», - dedi Ashat Aımaǵambetov.

Mınıstrdiń aıtýynsha, qate aqparattardyń kóbi latyn qarpindegi qazaq álipbıine qatysty ekenin aıtady.

«Latyn qarpindegi qazaq álipbıi boıynsha ártúrli aqparat júr. Bir aqparatta jańa álipbıdiń 2019 jyly, bir aqparatta 2020 jyly engiziletini jazylǵan. Al negizinen bekitilgen jalpy kesteniń baryn ózderińiz bilesizder. Qazir osy latyn álipbıine kóshý úshin tıisti emle-erejeler jasalyp, pılottyq jobalar bastalýy kerek. Sondyqtan, kestege sáıkes birte-birte kóshetin bolamyz», - dedi ol.

Eske sala ketsek, búgingi Úkimet otyrysynda Premer-mınıstr Asqar Mamın óńir ákimderine barlyq bilim berý uıymdary jumysty bastaýǵa 100 paıyz daıyn bolýy kerektigin tapsyrǵan bolatyn.


Joǵary qaraı