Aýa raıy
Astana 1 °S
Almaty 1 °S
valıýta baǵamy
USD 388.70
EUR 428.70
RUB 6.08
CNY 55.46

AShM paıdalanylmaı jatqan jerlerdi memleketke qaıtarý ýaqytyn qysqartpaq

2019 jyldyń 14 qazan 2019 15:46

NUR-SULTAN. QazAqparat – Aýyl sharýashylyǵy mınıstrligi aýyl sharýashylyǵy maqsatyndaǵy paıdalanylmaı jatqan jerlerdi qaıtaryp alý merzimderin qysqartýdy josparlap otyr, dep habarlaıdy QazAqparat tilshisi.

«Paıdalanylmaı jatqan jerler tek sot arqyly alynady. Al buǵan 2-3 jyl ýaqyt ketedi. Sondyqtan, eger jerler paıdalanylmasa, onda jalǵa alý kelisimshartyn birjaqty rette buzý týraly usynystar engizilýde. Ekinshiden, jer paıdalanýshylardyń kóbi bizdiń qyzmetkerlerimizden qashady, tekserý júrgizý qajettigi týraly habarlamalardy alǵysy kelmeıdi. Sondyqtan qazir biz munyń bárin avtomattandyrýdy josparlap otyrmyz. ıAǵnı, azamattarǵa SMS habarlamalar keletin bolady. Men bul aýyl sharýashylyǵy taýarlaryn óndirýshiler úshin de, bizdiń qyzmetkerlerimiz úshin de yńǵaıly dep oılaımyn», - dedi Saparhan Omarov Úkimettiń baspasóz ortalyǵynda.

Mınıstrdiń aıtýynsha, paıdalanylmaı jatqan jerlerdi qaıtaryp alý boıynsha Jol kartasynyń jobasy memlekettik organdardyń talqylaýynda jatyr.

«Bıyl 10 qazannan bastap Parlament Senaty «QR keıbir zańnamalyq aktilerine AÓK retteý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymynda maquldap, qol qoıýǵa jiberdi. Bul zań jobasy úsh jylǵa jýyq ýaqyt boıy qaraldy, onda Qazaqstan Respýblıkasynyń 13 kodeksi men 29-zańyna 800-den asa túzetýler engizý qarastyrylady. Osy zań aıasynda aýyl sharýashylyǵyndaǵy saqtandyrý júıesiniń tásilderi ózgertiledi: mindetti saqtandyrýdan erikti saqtandyrýǵa kóshý júzege asyrylady. Sondaı-aq saqtandyrý tólemderin sýbsıdııalaýdan saqtandyrý syıaqylaryn sýbsıdııalaýǵa kóshý qolǵa alynady», - dedi ol.

Saparhan Omarov sonymen qatar ákimdikter men kedendik organdardan baqylaý-qadaǵalaý fýnktsııalary Aýyl sharýalyshyǵy mınıstrligine qaıtarylatynyn atap ótti. Budan bólek, kásipkerler ınnovatsııa tartý úshin ǵylymı zertteýlerdi qarjylandyrý boıynsha bıznes shyǵyndarynyń bir bóligin sýbsıdııalaý qarastyrylady.

Eske sala ketsek, búgingi Úkimettiń baspasóz ortalyǵyndaǵy brıfıngte Saparhan Omarov aýyl sharýashylyǵy maqsatyndaǵy paıdalanylmaı jatqan jerdi qaıtaryp alý boıynsha Jol kartasy ázirlengenin habarlaǵan bolatyn.

Joǵary qaraı