Aýa raıy
Astana -3 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Ashyq qoǵamdyq qabyldaýǵa júzden asa soltústikqazaqstandyq keldi

2019 jyldyń 14 qyrkúıek 2019 08:26

PETROPAVL. QazAqparat – Soltústik Qazaqstan oblysynda kezekti ashyq qoǵamdyq qabyldaý ótip, turǵyndardy oblys ákimi men onyń orynbasarlary, oblystyq basqarma basshylary qabyldady, dep habarlaıdy QazAqparat tilshisi.

Kezekti qoǵamdyq qabyldaý N.Pogodın atyndaǵy oblystyq orys drama teatrynda ótti. SQO ákimi baspasóz qyzmetiniń málimetinshe, turǵyndar negizinen qalany abattandyrý, jol, baspana máselelerimen qabyldaýǵa kelgen.

Petropavldaǵy Koshýkov kóshesindegi úı ıeleri osyndaǵy alańǵa asfalt tóseýdi surap otyr. Óńir basshysy Qumar Aqsaqalovtyń aıtýynsha, bıyl oblys ortalyǵyndaǵy aýlalardy abattandyrýǵa bıýdjetten 400 mln teńge bólingen. Másele jýyq arada sheshiledi, ıaǵnı, kezegi jetkende aýlaǵa asfalt tóseledi. Bazarbaev kóshesiniń turǵyny Ekaterına Korkına kórshileriniń amanatymen kelipti. Ol «kóp qabatty úıdiń mańyndaǵy eski aǵashtardy kesý kerek» deıdi. Bul másele de sheshimin tappaq.

«Drýjba» saıajaı qoǵamdastyǵynyń ókilderi qoǵamdyq qabyldaýǵa ekinshi ret kelip otyr. Ýchaskelerdi elektr jelisimen qamtamasyz etý máselesi áli kúnge ózekti. Jergilikti bılik qajetti qarajatty jazda bólgenimen, merdigerler atqaratyn jumysty sozyp jibergen. Bıyl jaryqqa qosylý máselesi sheshiledi.

Jalpy, qoǵamdyq qabyldaýǵa 105 adam keldi, onyń 38-in SQO ákimi Qumar Aqsaqalov ózi qabyldady.

Joǵary qaraı