Aýa raıy
Astana -3 °S
Almaty 4 °S
valıýta baǵamy
USD 389.34
EUR 428.78
RUB 6.05
CNY 55.45

«Ashyq alań»: Shetelden maman tartýdyń talaby qandaı

2019 jyldyń 21 qazan 2019 22:26

NUR-SULTAN. QazAqparat – QR SІM Investıtsııalar jónindegi komıtet tóraǵasynyń orynbasary Larısa Jumaǵalıeva sheteldik mamandardyń Qazaqstanda jumys isteýi talaptaryn túsindirdi, dep habarlaıdy QazAqparat tilshisi.

«Memlekettiń qazirgi saıasaty boıynsha, bastapqyda ınvestorǵa aldyn ala ruqsat beremiz. Sebebi, onda ýnıkaldy tehnologııamen Qazaqstanda buryn-sońdy bolmaǵan jańa zaýyttar ashylady. Ondaı mamandar bizde joq, ony eshkim daıarlamaǵan. Sondyqtan, bastapqyda sol zaýytty qurý úshin, iske qosý úshin jáne bir jyl boıy jergilikti mamandardy úıretý úshin ınvestorlarǵa maman ákelýge ruqsat beremiz. Alaıda olardyń sany shekteýli shekteýli jáne memlekettik quzyrly organdardyń qadaǵalaýynda bolady. Sheteldik ınvestor óz mamandaryn ákelýdi jáne qazaqstandyq mamandardy daıarlaýdy óz jaýapkershiligine alyp, aldyn ala kelisim bekitedi. Sondaı jaǵdaıda ǵana ınvestorǵa ruqsat beriledi», - dedi L. Jumaǵalıeva «Qazaqstan» ulttyq arnasyndadaǵy «Ashyq alań» qoǵamdyq-saıası tok-shoýynda.

Sonymen birge, baǵdarlamada QR SІM resmı ókili Aıbek Smadııarov qoǵamdaǵy qytaı fobııasy týraly pikir bildirip, Qytaı ınvestıtsııasy týraly aqparat jetispeıtinin aıtty.

«Qytaıdan qorqaýdyń qajeti joq. Damyǵan elder Qytaıdyń qarjysyna talasyp jatyr. Soltústik Eýropada Shvetsııada Volvo komıpanııasyn satyp aldy. Shvedter nege shýlamaıdy? Bizdiń qoǵamdaǵy rıtorıkany tyńdap kósreńiz, shetelden aqsha suramaıyq deıdi. Onda qaıdan tabamyz? Ózimizde aqsha joq. 90-jyldardy eske túsireıik, Sovet úkimeti qulaǵan soń, eshkimde aqsha bolmady ǵoı. Sondyqtan sheteldiń ınvestorlaryn shaqyrdyq», - dedi A. Smadııarov.

Onyń pikirinshe, qoǵamdy aqparattandyrý júıeli túrde júrýi tıis jáne jergilikti aımaqtyq bılik halyqqa durys túsindire alýy kerek.

«Eń aldymen sheteldik ınvestor elshilikke keledi. Ony elshilikten ortalyqqa – Syrtqy ister mınıstrligine alyp kelemiz jáne qajetti aımaqqa jiberiledi. Bul – astanada sheshiletin másele emes. Oblystardyń basshylyǵy, jergilikti bılik ınvestorlarmen júıeli jumys júrgizýi kerek. Qansha zaýyt ashyldy? Sol zaýyttyń jumysshylary biz osyndaı jumys istep jatyrmyz, aılyq alyp jatyrmyz dep nege aıtpaıdy? Al áleýmettik jelilerde tarap jatqan qańqý aqparat – aqparattyq soǵystyń bir qyry», - dedi Aıbek Smadııarov.

Spıkerdiń aıtýynsha, Qazaqstanǵa eń kóp ınvestıtsııa salǵan bes memleket qatarynda Nıderlandy, AQSh, Qytaı, Frantsııa jáne Ispanııa bar. Olar kóbinese resýrstyq baǵytta shıkizat ónimderine nemese sol shıkizatty óńdeıtin tehnologııalarǵa qyzyǵýshylyq tanytqan.

Joǵary qaraı