Aýa raıy
Astana 14 °S
Almaty 17 °S
valıýta baǵamy
USD 386.70
EUR 427.15
RUB 6.06
CNY 54.57

Asqar Mamın áleýmettik mańyzy bar taýarlarǵa apta saıyn monıtorıng jasaýdy tapsyrdy

2019 jyldyń 20 tamyz 2019 10:35

NUR-SULTAN. QazAqparat - QR Premer-Mınıstri Asqar Mamın Úkimet otyrysynda áleýmettik mańyzy bar taýarlardyń qymbattaýyn synǵa aldy, dep habarlaıdy QazAqparat tilshisi.

Onyń aıtýynsha, áleýmettik mańyzy bar taýarlardyń qymbattaýy eń aldymen ákimder tarapynan atqarylýy tıisti sharalardyń tolyǵymen qabyldanbaı otyrǵanyn kórsetedi.

«Birinshiden, baǵalar boıynsha jedel aqparat almasýdyń mańyzdy ekenin eskerip, Saýda jáne ıntegratsııa mınıstriniń biryńǵaı onlaın platforma qurý týraly usynysyn qoldaımyn. Ekinshiden, 17 tamyzda áleýmettik mańyzy bar taýarlardyń baǵasyn turaqtandyrý mehanızmderin iske asyrý qaǵıdalary qoldanysqa engizildi. Ol baǵalardy turaqtandyrý mehanızmderin bekitýge múmkindik beredi. Al óńirlerdiń aqparaty boıynsha, qaǵıdalar tek 2 qyrkúıekte bekitiledi. Ákimderge atalǵan mehanızmderdi iske asyrý úshin óńirlik qaǵıdalardy tezdetip bekitýdi tapsyramyn. Turaqtandyrý qorlary taýarlardy satyp alý ýaqytyn ótkizip almaýy kerek», - dedi Úkimet basshysy Úkimet otyrysyn qorytyndylaı kele.

Premer-Mınıstr turaqtandyrý qorynyń jumysy tıimsiz bolyp otyrǵanyn jáne ony ózgertý qajettigin atap ótti.

«Saýda jáne ıntegratsııa mınıstrligine múddeli memlekettik organdarmen birlesip, eki aptada turaqtandyrý qorlarynyń jumysyn tekserip, olardyń jumys formatyn ózgertýdi tapsyramyn. Sonymen birge, Saparhan Kesikbaıuly, áleýmettik mańyzy bar 10 ónimdi óndirý jóninde baǵdarlama ázirleńizder. Bul da baǵany ósirmeı, ustap turýǵa oń áser etedi. Ákimder baǵalardy ósirmeýdi erekshe baqylaýda ustaýy qajet. Apta saıyn monıtorıng júrgizip, jedel shara qabyldańyzdar», - dep tapsyrma berdi Premer-Mınıstr.

Buǵan deıin Úkimet otyrysynda QR Ulttyq ekonomıka mınıstri Rýslan Dálenov áleýmettik mańyzy bar taýarlardyń qymbattaýy jóninde baıandama oqyǵan edi.

Avtor Aıjan Serikjanqyzy
Basty sózder: QR Úkimeti, Ekonomıka,
Joǵary qaraı