Aýa raıy
Astana 9 °S
Almaty 4 °S
valıýta baǵamy
USD 389.59
EUR 429.06
RUB 6.05
CNY 55.07

Asqar Mamın Qaraǵandy oblysynyń jańa ákimin tanystyrdy

2019 jyldyń 19 qyrkúıek 2019 19:41

QARAǴANDY. QazAqparat – Qaraǵandy oblysynyń jańa ákimi bolyp buǵan deıin QR Premer-Mınıstriniń orynbasary qyzmetin atqarǵan Jeńis Qasymbek taǵaıyndaldy. Onyń kandıdatýrasyn aımaq basshysy qyzmetine Prezıdent Qasym-Jomart Toqaev usyndy, dep habarlaıdy QazAqparat tilshisi.

QR Premer-mınıstri Asqar Mamın oblystyq máslıhattyń kezekten tys sessııasyna qatysyp, depýtattar usynylǵan kandıdatýrany biraýyzdan maquldady.

«Depýtattarmen keliskennen keıin Jeńis Qasymbek Qaraǵandy oblysynyń ákimi bolyp taǵaıyndaldy. Onyń ortalyq deńgeıde de, óńirlik deńgeıde de tájirıbesi zor. Endi ol osy mashyqtaryn Qaraǵandy oblysyn damytý úshin paıdalanatyn bolady», - dedi Asqar Mamın oblys aktıvine jańadan taǵaıyndalǵan ákimdi tanystyra otyryp.

Oblys ákimi Erlan Qoshanov QR Prezıdenti ákimshiligine jetekshilik etýge aýystyryldy. Premer-mınıstr Memleket basshysynyń atynan onyń burynǵy qyzmetindegi jemisti jumysy úshin alǵysyn bildirdi.

Erlan Qoshanovtyń basshylyǵymen oblys ekonomıkasynyń barlyq salalarynda turaqty ósimge qol jetkizildi. Áleýmettik salada da kóp jumystar atqaryldy. Turǵyn úı qurylysy artty. Memlekettik-jeke menshik áriptestik tetikteriniń kómegimen balabaqshalardaǵy oryn tapshylyǵy máselesi sheshildi. Qalalar men aýyldarda joldardy aýqymdy jóndeýden ótkizip, aýlalar abattandyryla bastady. Kóp jyldar ishinde alǵash ret «Qaraǵandy – Jezqazǵan» trassasy retke keltirildi. Qarajalda jáne Jáırem kentinde aýyz sý máselesi kóp jylǵy sheshimin tapty. Jezkiik halyqaralyq etnofestıvali sııaqty mańyzdy mádenı jobalar da qolǵa alyndy.

Asqar Mamın jańa ákimge atqarylýy tıis birqatar mindetterdi atap ótti.

«Oblysta damý áleýeti óte zor, barlyq áleýmettik-ekonomıkalyq ındıkatorlar boıynsha óńirler arasynda kóshbasshylardyń biri bolyp tabylady. Biz damý serpini odan ári jalǵasyn tabady jáne odan da úlken qarqynǵa qol jetkizetinine senimdimiz», - dep atap ótti Premer-mınıstr.

Jeńis Qasymbek oǵan kórsetilgen senim úshin alǵysyn aıtyp, adamdardyń ómir súrý sapasyn jaqsartý jáne oblys ekonomıkasyn damytý úshin barlyq kúsh-jigerdi jumsaýǵa ýáde berdi.

Jeńis Qasymbek 44 jasta, ol Jambyl oblysynyń týmasy. Qazaq memlekettik sáýlet-qurylys akademııasyn «sáýletshi-dızaıner» mamandyǵy boıynsha bitirgen. 2001 jyly Gýmılev atyndaǵy Eýrazııa memlekettik ýnıversıtetin «memlekettik jáne jergilikti basqarý» mamandyǵy boıynsha támamdaǵan.

Eńbek jolyn 1997 jyly QazBSQA-da taǵylymger-zertteýshi bolyp bastaǵan. Sodan keıin «Temirbank» AAQ bas mamany boldy. 1998-2000 jyldary QR monopolııaǵa qarsy saıasat jónindegi komıtetiniń bólimin basqardy. QR KKM sý kóligi departamentiniń dırektory bolyp jumys istegen. 2004 jyldan 2005 jylǵa deıin «Aqtaý halyqaralyq teńiz saýda porty» RMK dırektory boldy.

2005 jylǵy qarashada ony kólik jáne kommýnıkatsııa vıtse-mınıstri etip taǵaıyndady. Sodan keıin kólik jáne kommýnıkatsııa mınıstrliginiń Jaýapty hatshysy boldy. Keıinirek Kólik jáne kommýnıkatsııa mınıstri qyzmetin atqarǵan.

Budan keıin Investıtsııalar jáne damý mınıstri, Indýstrııa jáne ınfraqurylymdyq damý mınıstri bolyp jumys istedi.

2019 jyldyń 25 aqpanynan bastap qazirgi taǵaıyndalǵanǵa deıin Premer-Mınıstrdiń orynbasary boldy.


Joǵary qaraı