Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Asqar Myrzahmetov: Taraz sheberler ortalyǵyna aınalýy kerek

2019 jyldyń 10 qyrkúıek 2019 20:41

TARAZ. QazAqparat – Tarazdy usta-sheberlerdiń sheberhanasyna, ortalyǵyna aınaldyrýǵa mol múmkindik bar. Bul týraly Jambyl oblysynyń ákimi Asqar Myrzahmetov aıtty, dep habarlaıdy QazAqparat tilshisi.

Oblys ákimdiginde ótken «Shahrıstan» etno-mádenı ortalyǵynyń qurylysynyń barysy qaralǵan jıynda aıtyldy. Bul etno-mádenı ortalyqta oryn alatyn birneshe nysandar basqarmalar men qala ákimdigine bólinip berilgen. Búgingi kúni qurylys jumystary úzdiksiz júrip jatyr. Endigi maqsat – ortalyqta ornalasatyn birneshe nysandardy ózderiniń qoldanysyna qaraı bezendirý jumystaryn bastaý.

Oblys ákiminiń orynbasary Erkebulan Daýylbaev dál búgingi kúnge deıin qandaı jumystardyń atqarylǵandyǵyn baıandap berdi.

Sondaı-aq, oblystyq mýzeıdiń dırektory Seıitjan Іlııas, oblystyq týrızm basqarasynyń basshysy Qarlyǵash Arpalbekov óz jobalaryn tanystyrdy. Sonymen qatar, bolashaqta halyq ıgiligine jumys jasaıtyn ortalyqta qandaı qyzmetkerler qandaı baǵytta jumys jasaıdy? Olardyń ǵylymı, rýhanı, mádenı jáne ádebı áleýeti qandaı bolý kerek? Shtattyq birlik boıynsha Asqar Isabekulyna oblys ákimdiginiń mádenıet, arhıvter jáne qujattama basqarmasynyń basshysy Dúısenaly Byqybaev tanystyryp ótti. Usynylǵan jobalar jáne ózge de bezendirý sharalary boıynsha oblys ákimi Asqar Myrzahmetov óz oıyn da aıtty.

«Jalpy, bul jumystar rýhanı jańyrý qundylyqtaryn eskerýdi kerek etedi. Boı kótergen ǵımarattyń ózi, ár qabatta oryn alatyn taqyryptyq bólmeler bezendirilýimen úndesýi de qajet. Sondaı-aq, osy dızaınerlik belsendilikte jańa tehnologııalardy ıgergen kompanııalarmen birlese jumys jasaý shart. Árıne, bir ǵana Tarazda ondaı áleýeti joǵary kompanııalar joq bolsa, ózge qalalardan da shaqyrý kerek. Ortalyqta oryn alatyn ár taqyryptyq nysandarda mysaly, Sherhan Murtaza ortalyǵynda ol kisiniń sózderi jazylyp, tárbıelik, ónegelik oı tolǵamdary da oryn alýy kerek. Sonymen qatar, keshegi Kúltegin, Balasaǵun, Qaǵandardyń ónegeli sózderi de aıshyqtalatyn bolady. Biz osy ortalyq arqyly Tarazdyń áleýetin álemge tanytýdy maqsat etýimiz kerek. Sondyqtan, bezendirý jumystarynyń jan-jaqtylyǵy, úndestigi, zamanaýılyǵy qatań eskeriletin bolady», - dedi oblys ákimi.

Týrızm basqarmasynyń basshysy Qarlyǵash Aralbekovanyń aıtýynsha keleshekte munda týrızm nysandarynyń onlaın kartasy iske qosylmaq. Sondaı-aq, ol kórmege búgingi kúnniń ózinde tarazdyq 23 sheberdiń 1118 buıymy qoıylady dep kútilýde. Olar satylymǵa da shyǵady. Ol úshin jergilikti kásipkerler úsh azamatty turaqty jumyspen qamtýdy da kózdep otyr.

«Biz Tarazǵa ózge de qalalardyń usta, sheberlerin shaqyryp, olardyń buıymdaryn kórmege qoıýymyz kerek. Kórshi jatqan oblys ortalyqtarynda mundaı ortalyq ázirge joq. Sondyqtan, olardyń ıaǵnı usta-sheberlerdiń áleýetin paıdalana otyryp, týrızmniń bir tetigin damytýǵa yqpal etýimiz kerek. Jalpy, etno-mádnı ortalyqtyń jumysyn júıeli júrgizý úshin biryńǵaı júıeni engizý kerek. Parıj – sán ortalyǵyna aınalǵan qala desek, biz Tarazdy – usta-sheberlerdiń sheberhanasyna, ortalyǵyna aınaldyrýymyzǵa mol múmkindigimiz bar. Sol oraıda jumys júrgizýimiz qajet. Aldaǵy ýaqytta «Kórme» zalynda Jambyl oblysynyń 80 jyldyǵyn atap ótetin bolamyz» - dedi oblys ákimi.


Joǵary qaraı