Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Asqar Shákirov Senat tóraǵasynyń orynbasary bolyp saılandy

2019 jyldyń 2 qyrkúıek 2019 13:23

NUR-SULTAN. QazAqparat – Asqar Orazauly Shákirov Senat tóraǵasynyń orynbasary atandy, dep habarlaıdy QazAqparat tilshisi.

«Maǵan berilgen quqyqty paıdalana otyryp, ol qyzmetke Asqar Orazauly Shákirovty usynamyn. Ony jaqsy bilesizder. Kóp jyldar boıy ártúrli saıası laýazymdardy atqaryp keldi. Atap aıtqanda, Syrty ister mınıstriniń orynbasary, QR adam quqyqtaryn qorǵaý ýákili qyzmetterin joǵary dárejede atqardy. Aǵylshyn, qytaı tilderin meńgergen bilikti ári bilimdi maman. Onyń mol tájirıbesi Senat tóraǵasynyń orynbasary laýazymyna óte paıdaly ári qajet dep oılaımyn», - dedi Darıǵa Nazarbaev Partament Senatynyń otyrysynda.

Osydan keıin ashyq daýys berilip, Senat tóraaǵasy orynbasarlyǵy daýysqa salyndy. Senatorlar kandıdatty bir aýyzdan qoldady.
«Qurmetti depýtat myrzalar! Qurmetti Darıǵa Ábishqyzy! Osy joǵary laýazymda meni qoldaǵandaryńyz úshin zor rızashylyǵymdy bildiremin. Ózim úshin erekshe senim dep qabyldaımyn. Men úshin bul - joǵary mártebe ári zor jaýapkershilik. Ózime júktelgen mindetterdi atqarýǵa bar kúshimdi salamyn. Elbasynyń seniminiń arqasynda jyldar boıy memlekettik qyzmettiń ártúrli salasynda eńbek ettim. Sonda jınaǵan tájirıbemdi qoldanýǵa tyrysamyn», - dedi Asqar Shákirov.

Aıta keteıik, Asqar Shákirov 1956 jylǵy 2 aqpanda Qaraǵandy qalasynda týǵan. M.V. Lomonosov atyndaǵy Máskeý memlekettik ýnıversıtetiniń Azııa jáne Afrıka ınstıtýtyn, KSRO ІІM akademııasynyń kúndizgi adıýnktýrasyn bitirdi. Zań ǵylymdarynyń kandıdaty. Aǵylshyn jáne qytaı tilderin meńgergen. Birinshi sanattaǵy Tótenshe jáne Ókiletti Elshi dıplomatııalyq rangisi bar. 1978 jyldan 1992 jylǵa deıin KSRO Іshki ister mınıstrliginiń júıesinde jumys istedi.

1992 jyldan - Qazaqstan Respýblıkasy Syrtqy ister mınıstrliginiń Sharttar-quqyqtyq basqarmasynyń bólim meńgerýshisi, bastyqtyń orynbasary, bastyǵy, QR Syrtqy ister mınıstrligi alqasynyń múshesi.

1995 jyldan 1996 jylǵa deıin - Qazaqstan Respýblıkasynyń Koreıa Respýblıkasyndaǵy isterinde ýaqytsha senimdi ókil.

1996 jyldan 1998 jylǵa deıin - Qazaqstan Respýblıkasy Syrtqy ister mınıstrliginiń erekshe tapsyrmalary boıynsha elshi.

1996 jyldan 1998 jylǵa deıin - Qazaqstan Respýblıkasy Syrtqy ister mınıstriniń orynbasary.

1998 jyldan 2004 jylǵa deıin - Qazaqstan Respýblıkasynyń Úndistandaǵy Tótenshe jáne Ókiletti Elshisi, 2004 jylǵy tamyz aıynan - Qazaqstan Respýblıkasy Syrtqy ister mınıstriniń orynbasary. 2006 jylǵy aqpannan 2007 jylǵy maýsymǵa deıin - Qazaqstan Respýblıkasy Qarjy mınıstrliginiń Keden komıtetiniń tóraǵasy. 2007 jylǵy qyrkúıekten osy ýaqytqa deıin Qazaqstan Respýblıkasyndaǵy Adam quqyqtary jónindegi ýákil qyzmetin atqaryp kelgen.


Joǵary qaraı