Aýa raıy
Astana 22 °S
Almaty 15 °S
valıýta baǵamy
USD 386.82
EUR 428.67
RUB 5.86
CNY 54.95

Áskerı qyzmetshilerge turǵyn úı tólemderi boıynsha mıllıardtaǵan bereshek jınalǵan

2019 jyldyń 24 maýsym 2019 15:00 1669

NUR-SULTAN. QazAqparat - Áskerı qyzmetshilerge arnalǵan turǵyn úı tólemderiniń qoldanystaǵy úlgisine muqııat taldaý júrgizý qajet. Bul týraly Parlament Senatynyń jalpy otyrysynda depýtat Nurjan Nursıpatov málim etti, dep habarlaıdy QazAqparat tilshisi.

«Sizdiń nazaryńyzdy áskerı qyzmetshilerge turǵyn úı tólemderi boıynsha bereshektiń jyl saıynǵy ósýine, onyń ishinde qoldanystaǵy turǵyn úı tólemderiniń úlgisinde oryn alǵan kemshilikterge baılanysty máselege aýdarǵym keledi. Ózińiz biletindeı, 2018 jyldan bastap áskerı qyzmetshiler men olardyń otbasy múshelerin turǵyn úımen qamtamasyz etýdiń jańa úlgisi engizildi. QR Qarjy mınıstrliginiń aqparaty boıynsha atalǵan úlgi engizilgen sátten bastap osy maqsattarǵa kózdelgen qarajat kólemi 57 paıyzǵa ósti jáne turaqty ósý úrdisinde, onyń ishinde turǵyn úıge muqtaj dep tanylǵan tulǵalar sanynyń artýy sebep boldy. Bul, árıne, respýblıkalyq bıýdjetke qosymsha júk bolyp túsedi. Mysaly, Qazaqstan Respýblıkasy Ulttyq ulanynyń 2019 jylǵy 1 mamyrdaǵy málimetine saı, turǵyn úı tólemderi boıynsha bereshek 2,4 mlrd teńgeni qurady. Oǵan ótken jylǵy 1,5 mlrd teńge somasyndaǵy qaryzdar da kirdi», - dedi senator QR Úkimet basshysy Asqar Mamınniń atyna joldaǵan depýtattyq saýalynda.

Onyń sózine qaraǵanda, turǵyn úı tólemderi boıynsha uqsas jaǵdaı Shekara qyzmetinde de baıqalady.

Senatordyń paıymynsha, bul másele keshendi sheshimdi talap etedi. Atap aıtqanda, respýblıkalyq bıýdjet shyǵystarynyń obektıvti boljamy kórsetilgen maqsattarǵa qol jetkizý úshin turǵyn úı tólemderiniń qoldanystaǵy úlgisine muqııat taldaý júrgizý qajet.

«Onyń ishinde otbasynyń árbir múshesine jıyntyq tabysty eskere otyryp, turǵyn úıge shyn máninde muqtaj qyzmetkerler men áskerı qyzmetshilerdi anyqtaý kerek», - dedi Nursıpatov.

Sonymen qatar depýtattyq saýalda memleket esebinen óziniń jáne otbasy músheleriniń turǵyn úı jaǵdaıyn jaqsartýǵa birneshe ret áreket jasaýdy boldyrmaý; áskerı qyzmetshilerge, onyń ishinde shyn máninde memleket esebinen turǵyn úımen qamtamasyz etilmegen jáne jabyq áskerı qalashyqta naqty belgilengen ýaqytta turǵan otbasy múshelerine ǵana birjolǵy aqshalaı ótemaqy tóleý máseleleri kóterilgen.

 

 

Joǵary qaraı