Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

«Astana LRT» avtobýs pen teplovoz soqtyǵysyna qatysty túsinik berdi

2019 jyldyń 16 qyrkúıek 2019 16:53

NUR-SULTAN. QazAqparat – «Astana LRT» JShS-da №53 baǵdardaǵy avtobýs pen teplovoz soqtyǵysýyna qatysty túsinik berdi, dep habarlaıdy QazAqparat tilshisi.

«13 qańtarda saǵat 06:20 kezinde Jetigen kóshesinde avtobýs pen teplovozǵa qatysty jol-kólik oqıǵasy oryn aldy. «MAN» markaly avtobýs №53 baǵdardyń sońǵy aıaldamasyna qaraı baǵyt alǵan. Atap aıtqanda, qoǵamdyq kólik sol ýaqytta óziniń baǵdary boıynsha jumysyna kirispegen edi, ıaǵnı kólikte jolaýshylar bolmady. Kólik apatynan eshkim zardap shekken joq. Qazirgi ýaqytta jol polıtsııasy tergeý amaldaryn júrgizýde. Avtobýs júrgizýshisiniń málimetinshe, tańǵy kezde jol durys kórinbegen, sondaı-aq teplovoz mashınısi tarapynan tıisti dybystyq belgi bolmaǵan. Alaıda bul másele boıynsha qosymsha tekserý sharalaryn júrgizý qajettigi bar. Sonymen qatar, avtobýs júrgizýshisi temirjol aldyndaǵy «STOP» belgisi tusynda toqtaǵanyn alǵa tartýda», - dedi «Astana LRT» JShS basqarma tóraǵasynyń orynbasary Baýyrjan Seıtov.

Onyń sózine qaraǵanda, qazirgi ýaqytta júrgizýshilerge qatysty qosymsha nusqamalar júrgizildi. Budan bólek, temirjoldardaǵy ótkelderindegi qaýipsizdik boıynsha tıisti jumystar atqarylmaq. «Júrgizýshi 36 jasta, avtobýs parkindegi jumys ótili 5 jyl», -dep naqtylady «Astana LRT» JShS ókili.

Aıta keteıik, búginde atalǵan oqıǵa boıynsha QTJ tarapynan da tıisti tekserý júrip jatyr.

Budan buryn habarlanǵandaı, elordada temirjoldy qıyp ótip bara jatqan №53 baǵdardaǵy avtobýs pen teplovoz soqtyǵysty.



Avtor Rýslan Ǵabbasov
Basty sózder: Oqıǵa, Nur-Sultan,
Joǵary qaraı