Aýa raıy
Astana 14 °S
Almaty 17 °S
valıýta baǵamy
USD 386.70
EUR 427.15
RUB 6.06
CNY 54.57

«Astana» ýnıversıtetiniń lıtsenzııasy toqtatylýy múmkin

2019 jyldyń 22 tamyz 2019 16:52

NUR-SULTAN. QazAqparat – QR Bilim jáne ǵylym mınıstrligi «Astana» ýnıversıtetinde birqatar buzýshylyqty anyqtady. Bul týraly QazAqparat vedomstvonyń Facebook-tegi paraqshasyna silteme jasap habarlaıdy.

«Quqyq buzýshylyqqa «múldem tózbeýshilik» qaǵıdatyn basshylyqqa ala otyryp, Qazaqstan Respýblıkasy Bilim jáne ǵylym mınıstrligi elimizdiń joǵary oqý oryndaryn tekserý boıynsha jumys júrgizip jatyr. «Astana» ýnıversıtetindegi jospardan tys tekserý nátıjesinde atalǵan bilim berý uıymynda qoldanystaǵy talaptarǵa sáıkes kelmegen máseleler anyqtaldy. Ýnıversıtetke qabyldaý erejeleri, stýdentterdi aýystyrý jáne qaıta qabyldaý tártibi, emtıhan ótkizý jáne emtıhan sessııasynyń qorytyndysy boıynsha qujattar júrgizý tártibi buzylǵan. Sonymen qatar, aralyq baqylaý júrgizý kezinde Akademııalyq saıasat saqtalmaǵan», - delingen resmı jazbada.

Mınıstrlik atalmysh ýnıversıtetke anyqtalǵan kemshilikterdi joıý úshin 1 qyrkúıekke deıin múmkindik berip otyr.

«Tekserý átıjesinde, aıyppul salý jáne bilim berý qyzmetine lıtsenzııanyń qoldanylýyn toqtatý týraly qaýly shyǵaryldy. Búgingi tańda qaýly zańdy kúshine engen joq. Ýnıversıtetke 2019 jyldyń 1 qyrkúıegine deıin anyqtalǵan barlyq buzýshylyqtardy joıý týraly nusqama berildi. Nusqama oryndalmaǵan jaǵdaıda is sotqa jiberiledi. Toqtatý týraly qaýlynyń shyǵýy ýnıverıstettiń bilim berý lıtsenzııasy alyndy degen sóz emes. Belgilengen merzimge deıin kemshilikter joıylsa, toqtaý týraly qaýly kúshin joıady», - deıdi QR Bilim jáne ǵylym mınıstriniń keńesshisi Erbolat Muhametjan.

Eske salsaq, QR Bilim jáne ǵylym mınıstrliginiń jospardan tys tekserýinen keıin Shymkent qalasynyń aımaqtyq áleýmettik-ınnovatsııalyq ýnıversıtetinde úsh is qozǵalǵan bolatyn.

Joǵary qaraı