Aýa raıy
Astana 19 °S
Almaty 15 °S
valıýta baǵamy
USD 386.82
EUR 428.67
RUB 5.86
CNY 54.95

Atakent aýmaǵyndaǵy aǵashtar otalmaıdy

2019 jyldyń 17 shilde 2019 14:21 317

ALMATY. QazAqparat – «EcoAlmaty» JShS jetekshisi Janna Asanova Almatydaǵy «Atakent» iskerlik ortalyǵynda 9 myń aǵash butalady degen qaýesetti joqqa shyǵardy. Bul týraly ol Facebook paraqshasynda jazdy, dep habarlaıdy QazAqparat tilshisi.

«Jasyl ekonomıka basqarmasynan 9 myń aǵashty otaý týraly ótinimniń túskeni jaıly aqparat jalǵan. Jasyl jelek otyrǵyzý men ósirý erejesi boıynsha Almatyda taldar tek jasyl ekonomıka basqarmasynyń ruqsatymen ǵana otalady. Merdiger kompanııa otalǵan aǵashtyń ornyna 5 ese kóp shybyq otyrǵyzýǵa mindetteledi. Aǵashty kesýge ruqsat qujaty E-gov elektrondy portaly jáne HQO arqyly beriledi. Al «Atakent» ortalyǵy boıynsha ázirge eshqandaı ótinish túsken joq», - dedi Janna Asanova.

Onyń aıtýynsha, dál qazir Atakent aýmaǵynda aǵashtardy sanıtarlyq qysqartý júrgizilip jatyr. Ol úshin ruqsat qujattary talap etilmeıdi.

Kórme kesheni parkindegi jasyl jelekti otaý týraly qaýeset Facebook-te taralǵan bolatyn.

Munyń aldynda «Atakent» jańa prezıdenti Madına Maqypova keshen terrıtorııasynda kongress-ortalyq ashylatynyn habarlaǵan edi.

«Kongress-ortalyq salynatyn aýmaq – saıabaq, aǵashtar. Bizge jasyl ekonomıka basqarmasynan merdiger kompanııa hat jazdy. Olardyń jospary boıynsha kongress-ortalyq park aımaǵynda ornalasýy tıis eken. 54 ga aýmaǵymyzdyń 30 ga solarǵa berýimiz kerek. Qazir bul kelisim tirkelip jatyr», - dedi Madına Maqypova.

«Atakent» baqylaý keńesiniń múshesi Rýslan Hen aıtqandaı, kongress-ortalyq 8 ga aýmaqty alsa, qalǵan 22 ga jerde kólikterge yńǵaıly bolý úshin jol aıryǵy jasalady.

Joǵary qaraı