Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Atyraý oblysy ákiminiń orynbasary men apparat basshysy taǵaıyndaldy

2019 jyldyń 16 qyrkúıek 2019 16:45

ATYRAÝ. QazAqparat- Búgin óńir basshysy Nurlan Noǵaev oblys aktıvine óziniń orynbasary men apparattyń jańa basshysyn tanystyrdy, dep habarlaıdy QazAqparat tilshisi.

Ákimniń jańa orynbasary men apparat basshysy basqa jumysqa aýysyp ketken Nurlan Taýbaev pen Ernar Baspaevtyń oryndaryna taǵaıyndaldy. Nurlan Noǵaev óz sózinde olardyń jaqsy qyzmetine rızashylyǵyn bildirip, óńirdiń áleýmettik-ekonomıkalyq damýyna qosqan úlesterin atap ótti.
Atyraý oblysy ákiminiń orynbasary bolyp jańadan taǵaıyndalǵan Jumabaı Qaraǵaev buǵan deıin Maqat aýdanynyń ákimi boldy. Gýbkın atyndaǵy Moskva ýnıversıtetiniń túlegi, tehnıka ǵylymdarynyń kandıdaty Jumabaı Qaraǵaevtyń memlekettik qyzmette, sondaı-aq, jeke menshik sektorda 19 jyl eńbek ótili bar. Ár jyldarda Atyraý jáne Mańǵystaý oblystarynda birqatar jekemenshik kompanııalardy, Atyraý qalasy ákimdiginiń TKSh, jolaýshylar kóligi jáne avtomobıl joldary bólimin basqardy. Atyraý qalasy ákiminiń orynbasary bolyp qyzmet etti. Atyraý oblysy Memlekettik satyp alýlar basqarmasyna, Atyraý oblysy Energetıka jáne TKSh basqarmasyna basshylyq etti. 2018 jyldyń mamyr aıynan búgingi kúnge deıin Maqat aýdanynyń ákimi laýazymynda qyzmet atqardy.







Atyraý oblysy ákimi apparatynyń jańa basshysy Dáýren Bekturǵanov buǵan deıin apparat basshysynyń orynbasary laýazymynda eńbek etti.
Ol Qazaq memlekettik zań ýnıversıtetinde bilim alǵan, «Bolashaq» baǵdarlamasy boıynsha oqyǵan – Robert Gordon atyndaǵy ýnıversıtettiń (Ulybrıtanııa) magıstri. Eńbek jolyn Astanadaǵy «Zań saraptamasy ortalyǵy» JShS-de zańger bolyp bastaǵan. 2006-2007 jyldarda «Qazmunaıgaz-Servıs» JShS-de maman, ákimshilik-áleýmettik jumystarynyń menedjeri, 2007-2012 jyldary -«Qazmunaıgaz» UQ AQ-nyń bas maman-menedjeri laýazymdarynda qyzmet etken. 2014-2015 jyldary jekemenshik kompanııada dırektordyń qurylys jónindegi orynbasary boldy. 2015-2017 jyldary QR Prezıdenti Protokolynda sarapshy, keńesshi laýazymdarynda jumys jasady. 2017 jyldyń tamyz aıynan bastap Atyraý oblysy ákimi apparaty basshysynyń orynbasary. Nurlan Noǵaev eki jańa basqarýshynyń mol qyzmet tájirıbesin atap ótip, bul olardyń óz mindetterin oıdaǵydaı oryndaýyna kómektesedi dep senim bildirdi.
Atalǵan taǵaıyndaýlar QR Prezıdenti Ákimshiligimen kelisildi.





Joǵary qaraı