Aýa raıy
Astana -2 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Atyraýda Farıza Ońǵarsynovanyń 80 jyldyǵy atalyp ótýde

2019 jyldyń 11 qyrkúıek 2019 18:52

ATYRAÝ. QazAqparat – Atyraýda aqyn Farıza Ońǵarsynovanyń 80 jyldyǵyna arnalǵan «Patsha – sózdiń Farızasy» atty respýblıkalyq aptalyq ótip jatyr, dep habarlaıdy QazAqparat tilshisi.

Shara aqynnyń eskertkishine gúl shoqtaryn qoıýdan bastalyp, H. Dosmuhamedov atyndaǵy Atyraý Memlekettik ýnıversıtetinde jalǵasyn tapty. «Ar men aqyn» derekti fılminiń tusaýy sonda kesilip, «Jyr – meniń jalǵyz tarlanym» aýdıodıskisi tanystyryldy. Aqynnyń ózi oqyǵan óleńder jazylǵan aýdıodıskini belgili jazýshy Ánes Saraı men Atyraý Memlekettik ýnıversıtetiniń professory Qadyr Ótegenuly jalpaq jurtqa usyndy.





Aptalyq aıasynda «Patsha – sózdiń Farızasy» atty ǵylymı-praktıkalyq konferentsııa da uıymdastyryldy. Oǵan oblys ákiminiń orynbasary Aıgúl Ájiǵalıeva qatysyp, sharanyń úlken mańyzyn atap ótti.

«Farıza Ońǵarsynova – Atyraý jerinde týǵan. Qazirgi H. Dosmuhamedov atyndaǵy Atyraý Memlekettik ýnıversıtetiniń alǵashqy qarlyǵashtarynyń biri. Ol sóz óneriniń qas sheberi, asqan daryn ıesi. Onyń shyǵarmashylyǵynyń máni men erekshelikterin tolyq ashý qıynnyń qıyny. Onyń týyndylary – qazaqtyń aqyn qyzdary shyǵarmashylyǵynyń bıigi. Aqynnyń óleńderi – máńgilik», - dedi A. Ájiǵalıeva.










Avtory A. Sokolov


Basty sózder: Atyraý oblysy, Ádebıet, Aımaq,
Joǵary qaraı