Aýa raıy
Astana -2 °S
Almaty 20 °S
valıýta baǵamy
USD 389.98
EUR 434.01
RUB 6.10
CNY 55.04

Atyraýdaǵy mektepterde jazǵy demalys bir apta buryn bastalyp ketken

2019 jyldyń 25 mamyr 2019 16:47

ATYRAÝ. QazAqparat - Atyraýdyń keı mektepterinde jazǵy demalys bir apta buryn bastalyp ketken, dep habarlaıdy QazAqparat.

«Mekteptegi oqý jyly 25 mamyrda aıaqtalýy tıis, sol kúni sońǵy qońyraý soǵylady. Biraq keı mektepterde oqý protsesi ýaqytynan buryn aıaqtalǵan. Kóp mektepterde sońǵy aptada qalypty oqý protsesi baıqalmaıdy. Mundaı jaǵdaıdy №16 mektepten kórdim. №35 mektepte de balalar sabaq ótip jatqan joq. Jazǵy demalys bastalyp ketken sııaqty. Mektepte tártip joq», - dedi oblystyq bilim basqarmasy basshysynyń mindetin atqarýshy Jansulý Tóremuratova mektep dırektorlarymen ótken jıynda.

Onyń aıtýynsha, kóptegen mektepterde esepti erterek ótkizip, oqýshylardyń barlyq baǵasyn qoıyp tastaý úshin bir kúnde birneshe testileý men synaq ótkizgen.

«Qalǵan kúnderdi qarym-qatynasqa, qyzyqty pánderge arnap, túrli sebeptermen ótpeı qalǵan pánder boıynsha materıaldar berýge bolady ǵoı», - deıdi Jansulý Tóremuratova.

Avtor Janat Qapalbaeva
Basty sózder: Bilim, Atyraý oblysy,
Joǵary qaraı