Aýa raıy
Astana 1 °S
Almaty 5 °S
valıýta baǵamy
USD 388.81
EUR 429.01
RUB 6.08
CNY 55.49

Atyraýdaǵy NIS kishi jobalyq keńsesi Túrkııada tanystyryldy

2019 jyldyń 21 qazan 2019 01:13

ATYRAÝ. QazAqparat – Atyraýdaǵy Nazarbaev Zııatkerlik mektepteriniń biregeı tájirıbesi Túrkııada tanystyryldy, dep habarlaıdy QazAqparat tilshisi

Bul týraly Atyraý oblysy «Rýhanı jańǵyrý» keńsesi ókilderiniń Túrkııadaǵy Ankara jáne Konıa qalalarynda ótken saparynda belgili boldy.

2018 jyldan bastap Atyraý qalasyndaǵy Nazarbaev Zııatkerlik mektebinde Tuńǵysh Prezıdenttiń «Uly dalanyń jeti qyry» maqalasynda kózdelgen tapsyrmalardy júzege asyrý úshin «Rýhanı jańǵyrý» kishi jobalyq keńsesi jumys jasap keledi. Jobalyq keńse aımaqtaǵy bilim berý uıymdaryna jańartylǵan bilim berý mazmunyn engizýde ádistemelik jáne ádisnamalyq qoldaýdy kórsetýge baǵyttalǵan.

Qazaqstandyq delegatsııa Hajy Baıram atyndaǵy ýnıversıtette «Túrki tildes halyqtarynyń tilderi» fakýltetindegi stýdenttermen jáne oqytýshylarmen kezdesti. Ásirese túrik taraby mekteptegi «Rýhanı jańǵyrý» kishi jobalyq keńsesiniń jumysy qyzyqtyrdy.

Qazaqstannan ákelingen kádesyılar arasynda Nazarbaev Zııatkerlik mektebiniń túlegi Sandýǵash Myrzaǵalıdiń toqyǵan kilemi túrik jurtyn tamsandyrdy.

«Alǵash ret bul ýnıversıtette Qazaqstannyń mádenı murasyna arnalǵan buryshtyń paıda bolatyny bizdi qýantyp otyr», – dedi aımaqtyq «Rýhanı jańǵyrý» jobalyq keńsesiniń jetekshisi Oryntaı Bımanova.

Aıta ketelik, sapar sońynda túrik ókilderi Nazarbaev Zııatkerlik mektepteriniń tájirıbesin Túrkııada taratýǵa qyzyǵýshylyq bildirgenin jetkizdi.

Joǵary qaraı