Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Aýǵanstannyń Parvan provıntsııasynda jarylystan 31 adam zardap shekti

2019 jyldyń 17 qyrkúıek 2019 16:11

NUR-SULTAN. QazAqparat – Aýǵanstannyń Parvan provıntsııasynyń ortalyǵy Charıkarda jarylys bolyp, 31 adam jaraqat aldy, dep habarlaıdy QazAqparat Al Jazeera-ǵa silteme jasap.

Jergilikti Densaýlyq saqtaý organy ókiliniń málimdeýinshe, zardap shekkenderdiń ishinde áıelder men balalar bar.

Prezıdent Ashraf Ganı shtabynyń saılaýaldy mıtıngti ótkizgen jerine jaqyn aýmaqta jarylys bolyp, 24 adam kóz jumdy, 30 adam zardap shekken. Ganıdiń ózi aman-esen.

Parvan provıntsııasynyń ortalyǵynda bolǵan jarylysty ázirge eshkim moınyna alǵan joq.

Reuters agenttiginiń habarlaýynsha, qurbandardyń basym kópshiligi beıbit adamdar bolǵan. Qurbandar sany ósýi múmkin.

«Ganı jarylys ornynda bolǵan, degenmen aman-esen», - dep málim etti The Associated Press saılaýaldy naýqannyń ókili Hamed Azızge silteme jasap.


Joǵary qaraı