Aýa raıy
Astana -4 °S
Almaty 2 °S
valıýta baǵamy
USD 389.34
EUR 428.78
RUB 6.05
CNY 55.45

Aýylǵa barsam, bir túp jýsandy ıiskeımin – Elbasy

2019 jyldyń 11 qazan 2019 23:00

NUR-SULTAN. QazAqparat – Elbasy Nursultan Nazarbaev aýylǵa degen qamqorlyqty memleket árdaıym nazarda ustaýy kerektigin eske saldy, dep habarlaıdy QazAqparat tilshisi.

«Stýdent kezde jazdaı aýylǵa baryp, bıdaı oratynbyz. Qyrkúıek pen qazanda barlyǵyn oqýdan alyp qalyp, aýylǵa jiberetin. Aýyldyq jerge barlyq júk kóligin, tehnıkany, elektrıkti, áskerdi - barlyǵyn jiberetin. Qazir eshbir ferma eshkimdi alǵysy kelmeıdi. Sebebi, artyq aqsha tólegisi joq. Sondyqtan, bunyń eki jaǵy bar. Eki jaǵynyń da sheshimi bar. Qazir biz aýyl sharýashylyǵyna jyl saıyn mamandardy jiberip jatyrmyz. Olarǵa kóterińki jalaqy berilýde. Aýyl sharýashylyǵynda óńdeý ındýstrııasy kóteriler bolsa, jumys bolady», - dedi Elbasy «Habar» arnasyna bergen suhbatynda.

Úzdik aýyl sharýashylyǵy ónimin óndirýshiler retinde Nursultan Nazarbaev SQO-daǵy «Zenchenko» zaýytyn, Aqmola oblysyndaǵy «Rodına» aýylyn úlgi etti.

«Jastardyń barlyǵy sol aýyldaǵy jumys ornynda qalǵysy keledi. Onda jastarǵa úı beredi, oqytady. Ol jaqtaǵy jastardyń qalada úıi nemese jumysy bolmasa, alyp shaharda olar ne isteıdi?! Sondyqtan, aýyl sharýashylyǵynda jumys istep júrgen azamattar jastardy sol jerge tartýy kerek. Keıbireýler qalada, keıbiri aýylda turǵysy keledi. Biz aýyldan shyqqan balalar bolǵandyqtan, aýyldy ańsaımyz ǵoı. Búgin «Egemen Qazaqstan» gazetinde jýsan týraly úlken maqala shyǵypty. Jýsannyń ıisi adamnyń denesin sergitedi dep jazypty. Shynynda da, aýylǵa barsań, bir túp jýsandy julyp alyp, ıiskeısiń. Iisi ańqyp turady», - dedi ol.

Nursultan Nazarbaev osy rettte Sultan Beıbarys týraly fılmdi eske aldy.

«Aýyl degen – bárimizdiń besigimiz. Aýylǵa degen qamqorlyqty memleket nazarda ustaýy kerek. Jaǵdaı jasaýy kerek. Tehnıkany alsyn, tyńaıtqyshtardy kóbirek shyǵaryp, ónimdilikti arttyryp, az adammen kóp ónim shyǵaratyn jaǵdaıǵa jetýi kerek. Odan qorqýǵa bolmaıdy. Ýrbanızatsııany eshkim toqtata almaıdy», - dedi Nursultan Nazarbaev.

Joǵary qaraı