Aýa raıy
Astana 1 °S
Almaty 1 °S
valıýta baǵamy
USD 388.70
EUR 428.70
RUB 6.08
CNY 55.46

Bakýde Túrki Keńesine múshe elderdiń SІM basshylary birqatar qujatqa qol qoıdy

2019 jyldyń 14 qazan 2019 18:40

BAKÝ. QazAqparat – QR SІM basshysy Muhtar Tileýberdi búgin Bakýde Túrki tildes memleketter yntymaqtastyq keńesiniń VII Sammıti qarsańynda ótken Túrki keńesi Syrtqy ister mınıstrleri keńesiniń otyrysyna qatysty, dep habarlaıdy «QazAqparat» HAA tilshisi.

Kezdesýde mınıstrler Memleket basshylary keńesiniń otyrysynda qol qoıýy josparlanyp otyrǵan kún tártibindegi jobalar men qujattardy kelisti.

Kezdesý qorytyndylary boıynsha Bakýde mınıstrler Býdapesht qalasynda (Vengrııa) 2019 jylǵy 19 qyrkúıekte ashylǵan Túrki Keńesi Ókildiginiń qyzmetin retteıtin birneshe qujatqa qol qoıdy.




Mınıstrlerdiń sheshimimen Vengrııa Respýblıkasyna Túrki mádenıeti men murasy qorynyń janyndaǵy baqylaýshy mártebesi berildi.

Eske salaıyq, Túrki tildes memleketter yntymaqtastyq keńesi Qazaqstan Respýblıkasynyń Tuńǵysh Prezıdenti – Elbasy N.Á. Nazarbaevtyń bastamasymen 2009 jyly Nahychevan qalasynda (Ázerbaıjan) qurylǵan. Túrki keńesiniń hatshylyǵy - Ystanbul (Túrkııa) qalasynda. 7-shi Sammıttiń qorytyndylary boıynsha, Ózbekstan qosylǵannan keıin Keńeske múshe elder sany beske jetedi (Ázerbaıjan, Qazaqstan, Qyrǵyzstan, Túrkııa, Ózbekstan).

Bekbaý Taımanov







Joǵary qaraı