Aýa raıy
Astana 18 °S
Almaty 30 °S
valıýta baǵamy
USD 386.91
EUR 428.81
RUB 5.79
CNY 54.79

Baqytjan Saǵyntaev Almatynyń damý baǵyttaryn atady

2019 jyldyń 17 shilde 2019 16:18 253

ALMATY. QazAqparat – Almaty ákimi Baqytjan Saǵyntaev qalalyq máslıhat depýtattarymen kezdesýde qalanyń jarty jyldyq damýynyń nátıjesin qorytyndylap, keler jartyjyldyqtaǵy jospardy pysyqtady, dep habarlaıdy QazAqparat tilshisi.

Jıyn barysynda qala basshysy ońtústik astananyń damýynda basymdyq beriletin baǵyttardy atady.

Quzyrly organdardyń málimetine súıensek, barlyq salada oń dınamıka saqtalǵan.

Ónerkásip, aýyl shaýarshylyǵy, qurylys, saýda, kólik, baılanys salalarynda qysqa merzimdi ekonomıkalyq ındıkator 104%-ǵa jetti.

Investıtsııalar kólemi 8%-ǵa, ónerkásiptik óndiris 5,2%-ǵa, qurylys - 3,9%, baspana berý 2%ǵa artty.

Bıyldyń ózinde 1 trln-ǵa jýyq salyq jınaldy.

ShOB sýbektileriniń ónim óndirisi 9,8%-ǵa ósti.

Birinshi jarty jyldyq qorytyndysy boıynsha JAÓ

3,5%-ǵa jetti.

Sondaı-aq, Baqytjan Saǵyntaev qalada sheshilmegen problema jetkilikti ekendigin aıtty.

«Almaty qalasy máslıhaty turaqty komıssııalarynyń alǵashqy birlesken otyrysyn ótkizdik. Qalalyqtardyń tabys deńgeıi men ómir súrý sapasyn arttyrý úshin júzege asyrylýy tıis kezek kúttirmeıtin mindetter men baǵyttar boıynsha ózimniń oı-pikirimdi ortaǵa saldym. Basty mindetter: laıyqty jalaqysy bar jumys oryndaryn ashý, birinshi kezekte qajet azyq-túlik ónimderiniń baǵasyn negizsiz ósirýge jol bermeý. Yqpal etý tetikterin jete anyqtaý úshin baǵa qoıý isine tereń saraptama júrgizýdi tapsyrdym. Kommýnaldyq qyzmetter tarıfteri de qatań baqylaýda. Sonymen qatar, qoǵamdyq qaýipsizdikti qamtamasyz etý, kásipkerlikti damytý, ekologııa men densaýlyq saqtaý máseleleri basty nazarda», - dep jazdy qala ákimi facebook-tegi paraqshasynda.

«Almatyny «Shetsiz qala» tujyrymdamasy boıynsha damytý negizgi tujyrymdama bolyp qala beredi. Shet aımaqta turatyndar ortalyqtyń turǵyndary sııaqty sapaly qyzmetterdi alýy tıis.

Qalanyń sheti men ortalyǵynyń arasyndaǵy aıyrmashylyqty azaıtý basty baǵyt. Shettegi halyq ortalyqtaǵy halyqtyń qoly jetip otyrǵan qyzmetterdiń bárin alýy tıis», - dep oı órbitedi ákim.

Sondaı-aq, shahar basshysy ortalyq aýdandardy jóndeýge 65 mlrd teńge, al shetki aýdandarǵa 15,5 mlrd teńge jumsalǵan. Olarda sý, gaz, kósheni jaryqtandyrý júıesi joqtyǵyn tilge tıek etken.

«Bizdiń maqsat jaqyn arada qalanyń shet aýdandaryndaǵy ómir sapasyn arttyrý. Jumys oryndaryn ashý, áleýmettik nysandar salý, ShOB sýbektilerin yntalandyrý», - dep jazady Baqytjan Saǵyntaev.

Qala ákiminiń tapsyrýymen aýdan ákimderi 1 tamyzǵa deıin naqty jospar quratyn boldy.

Jyl sońyna deıin qalany tolyq sý, gaz, jylýmen qamtý, aýlalardy abattandyrýdy aıaqtaý, mekteptegi oryn tapshylyǵyn sheshý kózdelgen.

Avtor Gúlmıra Ǵosmanálı
Basty sózder: Almaty, Ákim, Ekonomıka,
Joǵary qaraı