Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

Bas prokýratýra: Prezıdent saılaýy qoldanystaǵy zańnama normalaryna saı ótkizildi

2019 jyldyń 19 maýsym 2019 23:38 1036

NUR-SULTAN. QazAqparat - Qazaqstan Respýblıkasy Prezıdenti saılaýy qoldanystaǵy zańnama normalaryna saı ótkizildi. QR Bas prokýratýrasy osyndaı habarlama taratty dep habarlaıdy QazAqparat tilshisi.

«El Prezıdenti saılaýynda saılaýshylardyń tańdaý nátıjesine kúdik keltiretindeı buzýshylyqqa jol berilgen joq. Elektoraldy kezeńde prokýratýra 36 is qozǵap, ákimshilik quqyqbuzýshylyq baptary boıynsha sotqa joldady. Olardyń 30-y sotta qaraldy, áli 6-ýy sottyń qaraýynda jatyr», - delingen qadaǵalaý organynyń habarlamasynda.

Bas prokýratýranyń habarlaýynsha, basqa adamnyń atynan daýys berý múmkindigin berý maqsatynda azamattarǵa bıýlleten taratqany úshin saılaý komıssııasy ýchaskeleriniń 11 múshesi QR ÁQBtK-tiń 110-baby boıynsha jaýapkershilikke tartylǵan. Olardyń bárine 25 AEK kóleminde aıyppul salynǵan.

«9 saılaýshy QR ÁQBtK-tiń 108-baby boıynsha - tepe-teń saılaý quqyǵy talaptaryn buzǵany úshin (bir saılaýshy - bir daýys - bir bıýlleten) jaýapkershilikke tartyldy. Kóbinde olar otbasy músheleri úshin bıýlleten alǵan. Olar Nur-Sultan men Almaty qalalarynyń, Almaty, ShQO, Túrkistan oblystarynyń turǵyny. Osyndaı tórt is Jambyl oblystyq mamandandyrylǵan ákimshilik sottyń qaraýynda jatyr», - delingen habarlamada.

Sonymen birge, prokýratýra BAQ betteri men áleýmettik jelilerde bıýlletenderdi kóptep salý men ózge de buzýshylyqtar beınelengen vıdeojazbalarǵa tekserý júrgizýde. Málimetterdiń kóbi rastalmaǵan.

«Kóptegen vıdeojazbalarda ýchaske, aýdan, qala nemese oblys, oqıǵanyń qaıda oryn alǵany kórsetilmegendikten bul baǵytta jumys áli jalǵasýda. Zańsyz áreketter anyqtalǵan jaǵdaıda tekserý qorytyndysy negizinde kináli adamdardy jaýapkershilikke tartý úshin is materıaldary sotqa joldanady», - dep habarlaıdy Bas prokýratýradan.

 

 

Joǵary qaraı