Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Baıanaýyl ulttyq parkindegi órt aýyzdyqtaldy

2019 jyldyń 23 qyrkúıek 2019 09:40

PAVLODAR. QazAqparat - Baıanaýyl ulttyq parkindegi alapat órt aýyzdyqtaldy. Qaza bolǵandar men zardap shekkender joq. Qyzyl jalyndy sóndirýge 90-nan astam adam jumyldyrylǵan, dep habarlaıdy QazAqparat.

«Oqıǵa ornyna qonǵan MI-8 tikushaǵy tańerteń órt sóndirý jumystaryn bastady. Sonymen qatar, Baıanaýylǵa taǵy bir MI-26 tikushaǵy barady», - deıdi Pavlodar oblysy ákimdiginiń baspasóz qyzmeti.

Sondaı-aq, derekkóz ulttyq parkte on bir arnaıy tehnıka: 6 órt sóndirý mashınasy, 3 samosval jáne soqasy bar eki MTZ traktory jumys istep jatqanyn aıtty. Órt sóndirýge 90-nan astam adam jumyldyrylǵan.





«22 qyrkúıek kúni keshke Óskemennen «Avıatsııamen orman qorǵaý jáne orman sharýashylyǵyna qyzmet kórsetý qazaq bazasy» respýblıkalyq kásipornynyń MI-8 tikushaǵy ushyp keldi. Ol tańǵy saǵat 7:00-de órt sóndirý jumystaryn bastady. Sonymen qatar, tańerteń aýdanǵa taǵy bir Mı-26 ushaǵy keledi», - dedi Baıanaýyl aýdandyq ákimdiginen.

Pavlodar oblysy ákimi Bolat Baqaýov keshe kúndiz órt sóndiretin shtab quryp, oryn alǵan oqıǵa týraly elimizdiń vıtse- premeri Roman Sklıarǵa habarlady.

«Aýdan basshysy 23:00-de oqıǵa ornyna jetti. Pavlodardan qosymsha 4 órt sóndirý tehnıkasy jiberildi», - dedi oblystyq ákimdiktiń baspasóz qyzmeti.





Aıta keteıik, búgin tańerteń apat bolǵan úsh aýyldyq okrýgte de órt sóndirildi, taǵy eki aýyldyq okrýgte órt aýyzdyqtalǵan. Sonymen qatar, Baıanaýyl ulttyq parkiniń taýly jerlerinde de órt sóndirý jalǵasyp jatyr.


Joǵary qaraı