Aýa raıy
Astana 12 °S
Almaty 20 °S
valıýta baǵamy
USD 386.05
EUR 428.25
RUB 5.84
CNY 54.65

Baıanaýylda besinshi kún qatarynan órtpen arpalysýda

2019 jyldyń 18 shilde 2019 17:47 216

PAVLODAR. QazAqparat - Baıanaýylda órt sharpyǵan aýmaqta keshe, 17 shilde kúni qatty daýyldyń kesirinen jaǵdaı kúrdelene túsip, jalyn qaıtadan kúshine engen, dep habarlaıdy pavlodarnews.kz.

Bul týraly agenttikke Baıanaýyl aýdany ákimi apparatynyń TJ boıynsha bas ınspektory Saıat Qabdıev málim etti.

«Órt № № 73, 87, 63 ýchaskelerde shamamen 50 gektardan astam jerdi qamtyǵan. 82 adam men 30 shaqty tehnıka jumys istep jatyr. Onyń 11-i órt sóndirý tehnıkasy. Jaǵdaı baqylaýǵa alynǵan. Aıtarlyqtaı úlken oshaqtar joq. Tutanǵan jerlerdi sýmen sóndirip jatyrmyz. Tańerteń qatty jel boldy. Qazir tynyshtaldy. Eshkim zardap shekpedi. Eldi mekenderge eshqandaı qaýip tónip turǵan joq. Keshe eki tikushaqpen túske deıin jumys istese, búgin syıymdylyǵy 2,5 tekshe evrokoptermen jerdegi tehnıkalar men ashyq jerlerge sý quıýda», - deıdi Saıat Qabdıev.




Pavlodar oblysy TJ departamentiniń aqparatyna súıensek, 16-17 shildede jaǵdaıdy monıtorıngileý maqsatynda MI-2 tikushaǵy órt ornyn áýeden barlaǵan. Óskemen qalasynan MI-8 «Qazavıaormanqorǵaý» tikushaǵy jáne Kókshetaý qalasynan TJK «Qazavıaqutqarý» AQ Mı-26 tikushaǵy sý tógý qurylǵylary jumyldyryldy. Oqıǵa ornynda barlyǵy 100-den astam adam men 30 shaqty tehnıka jáne 3 tikushaq jumys istedi.

Eske sala keteıik, aýdan ortalyǵynan on shaqyrym jerde toǵyz gektardan astam aýmaq otqa oranǵan. Bul taýly-ormandy jerler. Pavlodar oblysynyń ákimi qatty jelge baılanysty taýly aımaqtan órt shyǵýy erekshe jaǵdaı ekenin atap ótip, órtti tolyq sóndirgenshe jáne aýa temperatýrasy túskenge deıin táýlik boıy kezekshilik júrgizýdi tapsyrǵan bolatyn.







Basty sózder: Oqıǵa, Pavlodar oblysy,
Joǵary qaraı