Aýa raıy
Astana -1 °S
Almaty 6 °S
valıýta baǵamy
USD 388.70
EUR 428.70
RUB 6.08
CNY 55.46

Baıqaýshylar Prezıdent saılaýyna ólsheýsiz úles qosty - Dáýren Abaev

2019 jyldyń 13 maýsym 2019 21:30

NUR-SULTAN. QazAqparat - Aqparat jáne qoǵamdyq damý mınıstri Dáýren Abaev kezekten tys Prezıdent saılaýyna táýelsiz baıqaýshylar ólsheýsiz úles qosty dep sanaıdy. Mınıstr Dáýren Abaev bul pikirdi «Habar» arnasyndaǵy «Ashyq dıalog» baǵdarlamasynda aıtty, dep habarlaıdy QazAqparat.

«Ótken aptada bárimiz tarıhı oqıǵaǵa kýá boldyq. Endi memleketimiz burynǵydan sál ózgeshe bolady. Jańa dáýir týdy. Sol jańa dáýirdi bıznes ókilderi bolyp, azamattyq qoǵam bolyp, jýrnalıster qaýymy bolyp birge quramyz. Ony damytyp, tıimdi etýge bárimiz jaýaptymyz. Osy jyldyń naýryzynda bastalǵan, bılik tranzıtiniń sheshýshi sáti bolǵan bul saılaý naýqany qoǵamnyń óz pikirin bildirip, qorǵaýǵa daıyn bolyp kele jatqanyn kórsetti», - dedi mınıstr.

Onyń aıtýynsha, atalmysh saılaý eldegi azamattyq belsendilik deńgeıiniń óskenin de kórsetken.

«Shynymdy aıtsam, baıqaýshylardyń bulaısha kóp bolǵany esimde joq. Tańǵy saǵat 5-ten bastap tún ortasyna deıin saılaýdyń ádil ótýin belsendilikpen qadaǵalady. Bul adamdar úlken saıası talaptar qoıyp, boıkot jarııalaǵan joq, polıtsııamen qatyǵysqa da túsken joq. Biraq dál osy adamdar saılaýǵa kóp úles qosty», - dedi Dáýren Abaev.

Joǵary qaraı