Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Baızaq aýdanynda «Bórte» bóbekjaı-balabaqshasy el ıgiligine berildi

2019 jyldyń 11 qyrkúıek 2019 12:23

TARAZ. QazAqparat – Jambyl oblysy Baızaq aýdanynda memlekettik tapsyrys aıasynda jekemenshik «Bórte» bóbekjaı – balabaqshasy el ıgiligine berildi, dep habarlaıdy QazAqparat.

Jańaturmys aýyldyq okrýgindegi Jibek joly aýylynda ornalasqan jańa balabaqshanyń ashylýyna ákimi Nurjan Nurjigitov qatysyp, óziniń izgi tilegin bildirdi. Nysan 100 oryndyq qos qabatty bolyp soǵylǵan.

Nurjan Moldııaruly sońǵy jyldary Úkimet tarapynan kórsetilip otyrǵan qoldaýlar nátıjesinde memleket pen jekeshelik áriptestik aıasynda aýdanda on altynshy balabaqshanyń ashylyp otyrǵanyn, nátıjesinde aýdanda 3 pen 6 jas aralyǵyndaǵy balalardy 100 paıyz mektepke deıingi tárbıemen qamtýǵa qol jetkizilgenin aıtty.

«Elbasy 2020 jyly búldirshinderdi mektepke deıingi bilim berý mekemesimen qamtý deńgeıin 100 paıyzǵa jetkizý qajettigin tapsyrǵany belgili. Osyǵan oraı, búginde memleket pen jekemenshik áriptestik negizinde balabaqshalar ashylýda. ıAǵnı, kásipkerler memleket jasaǵan múmkindikti jibermeı, «Balapan» baǵdarlamasyn jandandyrýǵa den qoıýda»,-degen aýdan basshysy barsha aýyl turǵyndaryn aıtýly qýanyshtarymen quttyqtap, jeke kásipkerge rızashylyǵyn jetkizdi.

Turǵyndar atynan sóz alǵan aýyldyq aqsaqaldar alqasynyń tóraǵasy Beısen Júzgenbaev bolashaq urpaqtyń tárbıesi aldymen balabaqshadan bastalatynyn alǵa tartyp, jeke kásipkerdiń aýyl búldirshinderin qoldaýdaǵy qadamyna sáttilik tiledi.


Avtor Ǵıbrat Sembaı
Basty sózder: Jambyl oblysy, Bilim, Qurylys,
Joǵary qaraı