Aýa raıy
Astana -2 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Bekzat Nurdáýletov bokstan álem chempıony boldy

2019 jyldyń 21 qyrkúıek 2019 22:49

NUR-SULTAN. QazAqparat - Búgin Reseıdiń Ekaterınbýrg qalasynda ótip jatqan bokstan Álem chempıonatynda 81 keli salmaqta qazaqstandyq boksshy jeńimpaz boldy, dep habarlaıdy QazAqparat tilshisi.

Qazaqstandyq Bekzat Nurdáýletov fınalda ózbekstandyq boksshy Dılshodbek Rýzmetovpen judyryqtasyp, tóreshiler sheshimimen 5:0 esebin jeńiske jetti. Osylaısha, Qazaqstan qorjynyna alǵashqy altyn medaldy saldy.

Bekzat jekpe-jek bastalǵan sátten bastap, óziniń qarsylasynan bir bás joǵary ekenin kórsete bildi.

Esterińizge sala keteıik, Nurdáýletov jartylaı fınalda 81 kelige deıingi salmaq dárejesinde tórt dúrkin álem chempıony jáne Rıo-2016 Olımpıada chempıony kýbalyq Hýlıo Sesar la Krýstan basym tústi. Tipti, jartylaı fınaldyń ekinshi raýndynda Nurdáýletov qarsylasyn nokdaýnǵa jibergen bolatyn.

Mine, otandasymyz osyndaı myqty qarsylastarynyń barlyǵyn joldan taıdyryp, álem chempıony atandy.


Avtor Kúnsultan Otarbaı
Basty sózder: Sport, Reseı, Boks,
Joǵary qaraı