Aýa raıy
Astana -2 °S
Almaty 20 °S
valıýta baǵamy
USD 389.98
EUR 434.01
RUB 6.10
CNY 55.04

Betperde kıgen qaraqshylar bıznesmenniń úıine basa-kóktep kirip, tonamaq bolǵan

2019 jyldyń 25 mamyr 2019 18:30

AQSÝKENT. QazAqparat - Túrkistan oblysynyń tártip saqshylary kásipkerdiń úıine jasalǵan qaraqshylyq shabýyl qylmysyn ashty, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Saıram aýdandyq polıtsııa basqarmasynyń kezekshilik «102» nómirine jergilikti kásipkerden «úıime qaraqshylar shabýyl jasady» degen habarlama keledi. Oqıǵa oryn alǵan jerge shuǵyl basqarma bastyǵy men jedel-tergeý toby jetedi.

«Jábirlenýshilerdiń sózine qaraǵanda, qarýlanǵan jáne betperde kıgen belgisiz adamdar qaraqshylyq shabýyl jasaǵan kezde úıde kúıeýi men áıeli jáne kámeletke tolmaǵan úsh balasy bolǵan. Er adam qarsylyq kórsetip, úıdiń ishinde aıqaı-shý shyqqan soń qaraqshylar eshteńe alyp úlgermesten kólikterine minip, izin sýytqan. Atalmysh jaıttyń negizinde QR Qylmystyq kodeksiniń 192-baby «Qaraqshylyq» boıynsha qylmystyq is qozǵaldy. Jasalǵan qylmystyń qatańdyǵyn eskere otyryp, oblystyń krımınaldyq polıtsııa basqarmasynyń qyzmetkerlerinen jáne Saıram APB tájirıbeli tártip saqshylarynan arnaıy top quryldy. Qylmysty ashýmen qatar qylmyskerlerdi ustaý úshin úsh kún jumsaldy. Osy kúnder ishinde polıtseıler kórshilerden suraq-jaýap alyp, mańaıdyń barlyǵyn tegis sholyp shyqty. Sóıtip, qylmyskerlerdiń júrip ótken jolyn túgel zerdeledi» delingen habarlamada.



null

Atqarǵan jumystyń nátıjesinde jedel-tergeý toby qysqa merzimniń ishinde aýyr qylmysty ashty. Bes kúdiktini polıtseıler turǵylyqty mekenjaıynan jáne Shymkent qalasyndaǵy jaldamaly páterden ustaıdy. Onyń ekeýi - Shymkent qalasynyń, al qalǵandary - Túrkistan oblysynyń turǵyndary bolyp shyqty. Kúdiktilerdiń tórteýi - buryn urlyq pen tonaý boıynsha sotty bolǵandar . Ustalǵan azamattardan eki gaz tapanshasy men «Saıga 410» ańshy myltyǵy, sholaq ańshy myltyǵy tárkilendi.

«Sotqa deıingi tergeý amaldary júrip jatyr. Kúdiktiler qamaýǵa alyndy. Tergeý barysynda polıtseıler oqıǵanyń tolyq mán-jaıyn anyqtaıdy» deıdi departamenttiń baspasóz qyzmeti.

Joǵary qaraı