Aýa raıy
Astana 1 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Beıbitshilik pen kelisimdi qamtamasyz ettik - Nursultan Nazarbaev

2019 jyldyń 21 maýsym 2019 13:56

NUR-SULTAN. QazAqparat - Almatyda ótip jatqan «Kemeńgerliktiń 30 jyly» halyqaralyq ǵylymı konferentsııasynda Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev Qazaqstandaǵy beıbitshilik pen kelisim jaıynda sóz qozǵady, dep habarlaıdy QazAqparat tilshisi.

«Biz konfessııaaralyq beıbitshilik pen kelisimdi qamtamasyz ettik. Qazaqstanda 46 konfessııanyń ókilderi qoıan-qoltyq bilim alyp, eńbek etip, balalaryn ósirip otyr. Al álemde dál osy belgiler boıynsha dinı negizde nendeı jaıttar oryn alyp jatqanyn ózderińiz de jaqsy bilesizder. Bizdiń jas elordamyz halyqaralyq rýhanı ortalyqqa aınalyp, onda álemdik dástúrli dinder sezi turaqty ótkiziledi», - dedi Nursultan Nazarbaev.

Aıta keteıik, búgin Almatyda QR Tuńǵysh Prezıdenti Nursultan Nazarbaevtyń saıası kóshbasshylyq fenomenin zertteýge arnalǵan «Kemeńgerliktiń 30 jyly» halyqaralyq ǵylymı konferentsııa ótip jatyr.

Konferentsııa qoǵamnyń turaqty damýyndaǵy, elimizdiń ekonomıkalyq jáne áleýmettik saıası jańǵyrýyndaǵy Elbasynyń qyzmeti men bastamalarynyń jáne onyń barsha álemde jahandyq qaýipsizdik pen senim ahýalyn jasaqtaýdaǵy kúsh-jigeriniń róli men mańyzdylyǵyn zerdeleýdi, Elbasynyń saıası kóshbasshylyq fenomenin, tulǵanyń tarıhtaǵy rólin odan ári zertteýdi kózdeıdi.

Konferentsııaǵa QR Prezıdenti Qasym-Jomart Toqaev pen Elbasy Nursultan Nazarbaev qatysty.

Joǵary qaraı