Aýa raıy
Astana 31 °S
Almaty 28 °S
valıýta baǵamy
USD 386.34
EUR 427.25
RUB 5.88
CNY 54.57

Bilim men ǵylymdy damytýdyń jańa baǵdarlamasy bekitiledi

2019 jyldyń 15 shilde 2019 10:36

NUR-SULTAN. QazAqparat – 2019 jyldyń sońyna deıin Bilim men ǵylymdy damytýdyń 2025 jylǵa deıingi jańa memlekettik baǵdarlamasy bekitiledi, dep habarlaıdy QazAqparat tilshisi.

Bul týraly QR Premer-Mınıstri Asqar Mamın Úkimettiń keńeıtilgen otyrysynda málimdedi.

«Jańa memlekettik baǵdarlama aıasynda úsh aýysymdy mektepter máselesi sheshiledi. Jalpy sany 500 mektep turǵyzý josparlanǵan. Onyń ishinde 100-den astam mektep jan basyna shaqqandaǵy qarjylandyrý esebinen salynady», - dedi Asqar Mamın.

Odan bólek, memlekettik jeke kásipkerlik mehanızmi boıynsha 3 myńǵa jýyq jańa balabaqsha ashylady.

2021 jyly mektepterde, kolledjder men JOO tolyǵymen jańa oqytý baǵdarlamalaryna kóshedi.

«Sonymen birge, shaǵyn mektepterde bilim berý sapasyn jaqsartýǵa, aýyl men qala mektepteri arasyndaǵy aıyrmashylyqty joıýǵa erekshe kóńil bólinedi, - dep túsindirdi Premer-Mınıstr.

Úkimet basshysy tehnıkalyq bilim berýdi ekonomıka qajettilikterine baǵyttaý úshin kolledjderdi transformatsııalaý jáne jumys berýshilerdiń senimgerlik basqarýyna berý jumystary bastaldy.

«Elimizdiń 390 kolledjine halyqaralyq WorldSkills standarttary men modýldik baǵdarlamalary engiziledi. Kolledjder júıesin naryq talabyna qaraı ońtaılandyrý bastalady. Jataqhana ornymen qamtamasyz etý úshin 2022 jyldyń sońyna qaraı 75 myń oryn qoldanysqa beriledi, onyń 8 myńy bıyl beriledi», - dedi Asqar Mamın.

Sondaı-aq, Premer ǵylym salasynda onyń tıimdiligin arttyrý úshin ǵylymdy qarjylandyrý men basqarýdyń jańartylǵan júıesi engiziletinin jetkizdi. Bul júıe bólinetin qarajattyń ashyqtyǵyn jáne tıimdiligin kórsetpek.

Aıta keteıik, elordada QR Prezıdenti Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr. Jıynǵa Úkimet músheleri, Astana, Almaty jáne Shymkent qalalary men oblystardyń ákimderi, ortalyq memlekettik organdar men mınıstrlikterdiń basshylary qatysýda.


Joǵary qaraı