Aýa raıy
Astana 11 °S
Almaty 17 °S
valıýta baǵamy
USD 386.70
EUR 427.15
RUB 6.06
CNY 54.57

Bilim mınıstri: Álippeniń Baıtursynov ázirlegen úlgisin qaıtaramyz – basqasynyń keregi joq

2019 jyldyń 16 tamyz 2019 14:12

NUR-SULTAN. QazAqparat – Bilim jáne ǵylym mınıstri Ashat Aımaǵambetov 2021 jyly «Álippe» Ahmet Baıtursynovtyń ádistemesi negizinde qaıta engiziletinin málim etti, dep habarlaıdy QazAqparat tilshisi.

«Álippe máselesin kópten beri ustazdar bolsyn, ata-analar bolsyn kóterip júr. Bul – óte mańyzdy. Biz álippeni qaıtarý kerek dep esepteımiz. Ol 2021 jyly ózderińizge jaqsy tanys qazaq tiline beıimdelgen Ahmet Baıtursynovtyń ádistemesi negizinde engiziletin bolady. Biz qazirgi ýaqytta osy jumysty júrgizip jatyrmyz», - dedi ol Tamyz konferentsııasynda.

Mınıstr óz sózinde «Álippeniń» birneshe nusqasyn qarastyrylǵanyn tilge tıek etti.

«Olarda eshqandaı logıka joq. Baspalardyń biri 11 daýyssyz, 11 daýysty árpi bar nusqasyn alyp kelipti. Nelikten, múmkin basqasha bir ádisteme bar shyǵar dep suraı bastasań – eshkim de túsinikti túrde jaýap bere almaıdy. Álippe – tájirıbe jasaıtyn alań emes. Bizde baıaǵydan – naqty qazaq tiline beıimdelgen ádisteme bar. Ol - Ahmet Baıtursynovtyń ádistemesi. Sondyqtan, eshteńeni oıdan shyǵarmaı, osy ádistemeniń negizinde jumys júrgizetin bolamyz», - dedi Ashat Aımaǵambetov.


Joǵary qaraı